اسلام آباد۔23نومبر(اے پی پی):نگران وفاقی وزیر اطلاعات، نشریات و پارلیمانی امور مرتضیٰ سولنگی ملک اچ سیاسی ماحول چنڳاں کرݨ کیتے ساریاں سیاسی جماعتاں وچال اتفاق رائے ودھاوݨ تے زور ݙیندے آکھیے جو کہیں نال وی وانڄھ نئیں تھیوݨا چاہیدا، ریاستی میڈیا تے ہر کہیں کوں ہکو سویں کوریج ملدی اے، میڈیا کوں انتخابات اچ سازگار ماحول ݙتا ویسی، مس انفارمیشن، ڈس انفارمیشن اتے جعلی خبراں پورے ڄڳ دا مسلہ ہین۔ …
نگران وفاقی وزیر اطلاعات مرتضیٰ سولنگی نال اسلام آباد پالیسی ریسرچ انسٹیٹیوٹ دے وفد دی ملاقات
مزید خبراں
اسلام آباد۔23نومبر(اے پی پی):نگران وفاقی وزیر اطلاعات، نشریات و پارلیمانی امور مرتضیٰ سولنگی ملک اچ سیاسی ماحول چنڳاں کرݨ کیتے ساریاں سیاسی جماعتاں وچال اتفاق رائے ودھاوݨ تے زور ݙیندے آکھیے جو کہیں نال وی وانڄھ نئیں تھیوݨا چاہیدا، ریاستی میڈیا تے ہر کہیں کوں ہکو سویں کوریج ملدی اے، میڈیا کوں انتخابات اچ سازگار ماحول ݙتا ویسی، مس انفارمیشن، ڈس انفارمیشن اتے جعلی خبراں پورے ڄڳ دا مسلہ ہین۔ اے ڳالھ انہاں اسلام آباد پالیسی ریسرچ انسٹیٹیوٹ دے صدر میجر جنرل (ر) رضا محمد دی اڳواݨی اچ ملݨ آوݨ آلے وفد نال الیندے آکھی۔ انہاں ملکی سیاسی و معاشی صورتحال، جعلی خبراں، ڈس انفارمیشن مکاوݨ، آندے عام انتخابات، سوشل میڈیا دے مسائل، جنوبی ایشیا دے ملکاں دے امور تے الایا۔ وفد ملک دے سیاسی منظر نامے تے اداریاں دی تازہ ترین تحقیق دا ݙسایا۔ وفد اچ اسلام آباد پالیسی ریسرچ انسٹیٹیوٹ دے ڈائریکٹر (ایڈووکیسی اینڈ کمیونیکیشن) صدیق ہمایوں، حشام، مس جویریہ، انسٹیٹیوٹ دے ڈائریکٹر خرم عباس اتے انسٹیٹیوٹ آف پالیسی سٹڈیز توں نوفل وی شامل ہن۔
