نگران وزیراعظم انوار الحق کاکڑ اڄ توں 28 نومبر تئیں متحدہ عرب امارات دا ݙوپاسہ دورہ کریسن

اسلام آباد۔26نومبر  (اے پی پی) نگران وزیراعظم انوار الحق کاکڑ اڄ توں 28 نومبر تئیں متحدہ عرب امارات دا ݙوپاسہ دورہ کریسن۔ ترجمان دفترخارجہ ولوں جاری بیان موجب  نگران وزیر اعظم انوار الحق کاکڑ  دورے اچ متحدہ عرب امارات دے صدر شیخ محمد بن زاید نال ملاقاتاں کریسن۔ اے ملاقات سیاسی، اقتصادی، تجارتی، سرمایہ کاری، ثقافتی، دفاع اتے ݙوہیں ملکاں دی عوام وچال تعلقات سودھے ٻئے شعبیاں اچ ݙوپاسہ تعلقات کوں اڳوں ودھاوݨ دا موقع ݙیسی۔ ایں دورے اچ پاکستان اتے متحدہ عرب امارات وچال توانائی، پورٹ آپریشنز دے منصوبے، ویسٹ واٹر ٹریٹمنٹ، فوڈ سیکیورٹی، لاجسٹک، کان کنی، ایوی ایشن اتے بینکنگ اینڈ فنانشل سروسز دے شعبیاں اچ سرمایہ کاری دے تعاون سودھے مختلف شعبیاں اچ مفاہمت دی یادداشتاں تے دستخط کیتے ویسن۔