چارمہینے اچ جامعات توں فارغ 2 لکھ آئی ٹی گریجویٹس کوں عالمی معیار دی تربیت دا پروگرام شروع کیتا ڳئے، ڈاکٹر عمر سیف

اسلام آباد۔13جنوری(اے پی پی) نگراں وفاقی وزیر انفارمیشن ٹیکنالوجی ڈاکٹر عمر سیف آکھیے جو نگراں حکومت دے چار مہینے اچ جامعات توں فارغ 2 لکھ آئی ٹی گریجویٹس کوں عالمی معیار دی تربیت دا پروگرام شروع کیتا ڳئے ، فری لانسرز کیتے ڈیجیٹل پیمنٹ گیٹ وے دا وݙا مسئلہ حل کیتا ڳئے جیں دے نتیجے اچ یکم فروری توں پائلٹ پراجیکٹ دے تحت 10 ہزار اکاونٹ بݨائے ویسن – وزارت انفارمیشن ٹیکنالوجی دی طرفوں جاری بیان موجب اے ڳالھ انہاں نگراں حکومت دے دور اچ وزارت انفارمیشن ٹیکنالوجی دے اقدامات دی تفصیلات ݙسیندے ہوئیں آکھی اے ، انہاں آکھیے جو نگراں دور حکومت دے 4 مہینے اچ وزارت آئی ٹی دی کارکردگی شاندار رہی، خصوصی سرمایہ کاری سہولت کونسل ساݙی پالیسیاں اتےمنصوبیں دی وختی منظوری اچ اہم کردار ادا کیتے – ڈاکٹرعمر سیف آکھیے اڄ اساں آئی ٹی کمپنیاں کوں 50 فیصد ڈالرز انہاں دے اکاؤنٹس اچ رکھݨ دی سہولت ݙیوݨ دے قابل تھی ڳیسے۔