چین اچ پاکستانی سفیر خلیل ہاشمی  داچینگڈو اچ چین پاکستان اقتصادی، ثقافتی تبادلے دے مرکز دا دورہ

اسلام آباد۔14جنوری  (اے پی پی):چین اچ پاکستان دے سفیر خلیل ہاشمی چین دے شہر چینگڈو اچ چین پاکستان اکنامک اینڈ کلچرل ایکسچینج انکیوبیشن سینٹردا دورہ کیتے۔انکیوبیشن سینٹر چین اتے پاکستان وچال اقتصادی، تجارتی اتے ثقافتی تبادلے دا ھک پلیٹ فارم اے، جیں کوں چینگڈو اچ پاکستان دے قونصلیٹ جنرل اتے پاکستان۔سیچوان چیمبر آف کامرس مشترکہ طور تے بݨائے ۔چائنا اکنامک نیٹ (سی ای این) دی رپورٹ موجب آپݨے دورے اچ خلیل  ہاشمی سینٹرز اچ نمائش شدہ پاکستانی چیزاں دے مل وکݨ تے مارکیٹ دے امکان تے خصوصی توجہ ݙتی، جنھاں اچ قالین، کپڑے اتے دستکاری شامل ہن ۔