وزیراعظم محمد شہباز شریف تاجکستان 2 توں 3 جولائی تئیں دوشنبے دا سرکاری دورہ کریسن، ترجمان دفتر خارجہ

اسلام آباد۔1جولائی(اے پی پی)وزیراعظم محمد شہباز شریف تاجکستان دے صدر امام علی رحمان دے سݙے تے 2 توں 3 جولائی تئیں دوشنبے تاجکستان دا سرکاری دورہ کریسن۔ ترجمان دفتر خارجہ آکھیے جو وزیراعظم دوشنبے اچ صدر امام علی رحمان، مجلس نمائندگان دے چیئرمین محمد طائر زویر ذوکر زادہ اتے وزیر اعظم قاہر رسول زادہ نال ملسن۔ دورے اچ ݙوہاں ملکاں وچال باقاعدہ اعلیٰ سطح تبادلیاں سودھا اہم شعبیاں اچ تعاون تے ڳالھ مہاڑ کیتی ویسی تاں جو علاقائی رابطے، تجارت، عوامی رابطیاں کوں ودھایا ونڄے۔ ایں موقع تے ݙوطرفہ معاہدیاں اتے مفاہمت دی یادداشتاں تے وی دستخط کیتے ویسن۔