ریلوے انتظامیہ دا کراچی توں راولپنڈی وچال چلݨ آلی سر سید ایکسپریس کوں یکم ستمبرتوں بحال کرݨ دا فیصلہ

لاہور۔2اگست(اے پی پی) ریلوے انتظامیہ پبلک پرائیویٹ پارٹنرشپ دے تحت کراچی کینٹ توں راولپنڈی وچال چلݨ آلی سر سید ایکسپریس (35UP /36DN) کوں یکم ستمبرتوں بحال کرݨ دا فیصلہ کیتے ۔ترجمان موجب سرسید ایکسپریس (35UP) کراچی کینٹ توں رات 9 وڄے روانہ تھی تے حیدرآباد، خانپور، خانیوال، فیصل آباد، سانگلہ ہل، وزیر آباد، گجرات، جہلم توں تھیندی اڳلے ݙینھ رات8  وڄ تے 55 منٹ تےراولپنڈی پڄسی ، ایویں سر سید ایکسپریس (36DN) راولپنڈی توں ݙوپہر1 وڄ تے 30 منٹ تے روانہ تھی تے ایں روٹ توں تھیندی اڳلے ݙینھ ݙوپہر 1 وڄ تے50 منٹ تے کراچی کینٹ پڄسی ۔ اے ریل ڳاݙی ھک اے سی سلیپر ،ھک اے سی بزنس  ،ھک اے سی سٹینڈرڈ ،چاراکانومی کلاس کوچاں ،ھک ڈائیننگ کار ،ھک بریک وین اتے ھک پاور پلانٹ تے مشتمل ہوسی۔ڈرگ روڈ، حیدرآباد، روہڑی،بہاولپور، خانیوال،فیصل آباد،سانگلہ ہل، حافظ آباد،وزیر آباد، گجرات، جہلم ایندے سٹاپ ہوسن جݙاں جو اے ریل گاݙی راولپنڈی توں کراچی ویندے لانڈھی ریلوے سٹیشن تے وی سٹاپ کریسی۔