پبلک تے پرائیویٹ شراکت داری پائیدار معاشی ترقی سانڳے ضروری اے، سید یوسف رضا گیلانی

اسلام آباد۔13نومبر (اے پی پی):چیئرمین سینیٹ سید یوسف رضا گیلانی آکھیے کاروباری برادری ملک دی معاشی ترقی اچ اہم کردار ادا کریندی اے ،آرسی سی آئی دی میثاق معیشت، پالیسیاں دے تسلسل اتے کمیٹیاں اچ نمائندگی دے مطالبے دی پوری سپورٹ کرینداں ، رنگ روڈ دے آسے پاسے اکنامک زونز ضروری ہن ایں دے بغیر اے فیدہ مند نہ ہوسی ۔ آر سی سی آئی اچ تقریب توں خطاب کریندے انھاں آکھیے عالمی چیلنجزنال نبݨݨ سانڳے ساریں رل تے چلݨا اے ،پبلک تے پرائیویٹ شراکت داری پائیدار معاشی ترقی سانڳے ضروری اے،پارلیمنٹ سماجی اقتصادی بحالی دیاں کوششاں دی حمایت سانڳے پرعزم اے،بی آئی ایس پی دے ذریعے ضرورت مندطبقے دی مددکیتی ویندی پئی اے ،پاکستانی معیشت اچ تاجر برادری صنعتکاراں دا اہم کردار اے،کہیں وی ملک دے معاشی استحکام اچ سیاسی استحکام دا اہم کردار ہوندے ،ساز گار کاروباری ماحول اتے پالیسیاں دا تسلسل معاشی بہتری سانڳے ناگزیراے،حکومت اتے تاجر برادری رل تے ملکی معاشی ترقی کوں بہتر کرسڳدن ،میثاق معیشت طویل المدتی سرمایہ کاری سانڳے ضروری اے اساکوں درآمدا ت کوں گھٹ کرݨ تے برآمدات ودھاوݨیاں ہوسن اساں بینظیر انکم سپورٹ سانڳے سماجی تحفظ کوں ودھائے ،مستحکم معاشی پالیسی توں سرمایہ کاراں اچ اعتماد ودھسی ، تاجر برادری اڳوں آوے تے ملکی معاشی ترقی اچ کردار نبھاوے ۔ اساں سارے رل تے پاکستان کوں خوشحال بݨا سڳدوں