ڈیرہ اسماعیل خان، ٹرک اَتے کار اچ تصادم، 5 بندے جاں بحق

پشاور۔ 10 جولائی (اے پی پی) ڈیرہ اسماعیل خان اچ ٹرک اَتے کار وچال تصادم دے نتیجے اچ 5 بندے جاں بحق تھی ڳئے۔ ریسکیو حکام موجب حادثہ ڈی آئی خان دی تحصیل پہاڑ پور اچ چشمہ روڈ تھانہ کڑی خیسور دی حدود اچ تھیا۔ ریسکیو ٹیماں موقع تے پڄ تے زخمیاں اَتے نعشاں کوں ہسپتال منتقل کر ݙتا۔ مقامی پولیس جائے حادثہ تے پڄ تے ٻئی تفتیش شروع کر ݙتی اے، جاں بحق بندیاں دا تعلق ڈیرہ اسماعیل خان اَتے بنوں توں ݙسایا ویندا پئے۔