وفاقی وزیر آئی ٹی و ٹیلی کام شزا فاطمہ خواجہ نال جی ایس ایم اے اَتے فارن، کامن ویلتھ اینڈ ڈویلپمنٹ آفس دے وفد دی ملاقات

اسلام آباد۔ 3 دسمبر (اے پی پی) وفاقی وزیر انفارمیشن ٹیکنالوجی و ٹیلی کمیونیکیشن شزا فاطمہ خواجہ آکھیے انسپائر سیمی کنڈکٹر پروگرام دے تحت 7,200 پاکستانی نینگراں کوں جدید سیمی کنڈکٹر ٹیکنالوجی دی تربیت ݙتی ویسی ، مُلک بھر دیاں یونیورسٹی کلسٹرز وچ 9 آئی سی ڈیزائن لیبارٹریز قائم کیتی ویندیاں پئن ۔ وزارت انفارمیشن ٹیکنالوجی و ٹیلی کمیونیکیشن ولوں جاری بیان موجب جی ایس ایم اے اَتے فارن، کامن ویلتھ اینڈ ڈویلپمنٹ آفس (ایف سی ڈی او) دے اعلیٰ سطحی وفد وفاقی وزیر انفارمیشن ٹیکنالوجی و ٹیلی کام شزا فاطمہ خواجہ نال اسلام آباد وچ ملاقات کیتی جنہاں وچ لوئیزا اوڈیل (انوویشن اینڈ ٹیکنالوجی ایڈوائزر، ایف سی ڈی او)، مائیکل ان ون (سٹریٹجک پارٹنرشپ لیڈ، ٹیکنالوجی و انوویشن یونٹ، ایف سی ڈی او) اَتے کمبرلی براؤن (گلوبل ہیڈ آف موبائل فار ہیومینیٹیرین، جی ایس ایم اے) شامل ہِن ۔ ملاقات وچ آفات دے دوران کنیکٹیویٹی، موبائل ایکو سسٹم دے کردار، ڈیجیٹل شمولیت اَتے پائیدار ترقی متعلق اہم معاملیں تے ڳالھ مہاڑ کیتی ڳئی ۔وفاقی وزیر پاکستان دے انوویشن اَتے سٹارٹ اپ منظرنامے اَتے ڈیجیٹل ترقی کیتے حکومتی پالیسی اقدامات تے وی آپݨا نکتہ نظر پیش کیتے۔ وفاقی وزیر شزا فاطمہ خواجہ وزیراعظم شہباز شریف دے ڈیجیٹل نیشن پاکستان وژن تے روشنی پیندے وفد کوں انسپائر سیمی کنڈکٹر پروگرام تے بریفنگ ݙتی ۔ انہاں ݙسائے جو ایں پروگرام دے تحت 7,200 پاکستانی نینگراں کوں جدید سیمی کنڈکٹر ٹیکنالوجی دی تربیت ݙتی ویسی جݙاں جو مُلک بھر دیاں یونیورسٹی کلسٹرز وچ 9 آئی سی ڈیزائن لیبارٹریز قائم کیتی ویندیاں پئن جیں نال پاکستان وچ ہارڈویئر اَتے چپ ڈیزائن دے شعبے کوں مضبوط بݨایا ویندا پئے۔ جی ایس ایم اے دے وفد جی ایس ایم اے موبائل فار ڈویلپمنٹ (ایم 4 ڈی) دے عالمی مشن، ایں دے دائرہ کار اَتے پاکستان وچ جاری اڄوکے منصوبیاں تے بریفنگ ݙتی ، خاص طور تے موبائل انٹرنیٹ دے ودھارے، ڈیجیٹل شمولیت اَتے کمزور طبقیں کیتے موبائل بیسڈ ڈیجیٹل حل دے ذریعے موسمیاتی تبدیلی نال نبڑݨ دے اقدامات تے تفصیلی ڳالھ مہاڑ کیتی ڳئی ۔ وفد پاکستان دے جامع ڈیجیٹل ٹرانسفارمیشن اَتے ریزیلینس تے مبنی جدت دے وژن دی تعریف کیتی ۔ جی ایس ایم اے اَتے فارن، کامن ویلتھ اینڈ ڈویلپمنٹ آفس (ایف سی ڈی او) دے نمائندیں پاکستان وچ سٹارٹ اپس دی معاونت دے حکومتی نظام، خاص طور تے بریج سٹارٹ اَتے پاکستان سٹارٹ اپ فنڈ پروگرام دی تعریف کریندے آکھیے اے اقدامات پاکستان وچ انٹرپرینیورشپ، جدت اَتے پائیدار ڈیجیٹل معیشت دے ودھارے کیتے مضبوط حکومتی عزم دی عکاسی کریندن