نائب وزیراعظم اسحاق ڈار دا ملائیشیا دے وزیر خارجہ داتو سری محمد حسن کوں ٹیلی فون، چھل پاروں جانی ضیان ݙکھ تے افسوس

اسلام آباد۔ 3 دسمبر(اے پی پی) نائب وزیراعظم / وزیر خارجہ سینیٹر محمد اسحاق ڈار ملائیشیا دے وزیر خارجہ داتو سری محمد حسن کوں ٹیلی فون کیتے اَتے اڄوکی چھل پاروں جانی ضیان تے بے گھرتھیوݨ آلے شہریاں کیتے ݙکھ تے افسوس کیتے ۔ دفتر خارجہ توں جاری بیان موجب نائب وزیراعظم سینیٹر محمد اسحاق ڈار ملائیشیا دے وزیر خارجہ داتو سری محمد حسن کوں ٹیلی فون کیتا اَتے انہاں کوں ݙسائے جو پاکستان اوکھے ویلھے ملائیشیا دے عوام نال پُوری یکجہتی کریندے۔ انہاں امداد اَتے بحالی دے اقدامات وچ تعاون دی پیشکش وی کیتی اَتے آکھیے جو اساں ہر ممکن مدد کرݨ سانڳے تیار ہیسے۔