اُرمچی۔ 4 دسمبر (اے پی پی) وفاقی وزیر منصوبہ بندی، ترقی تے خصوصی اقدامات پروفیسر احسن اقبال اُرمچی اچ آپݨے دورۂ سنکیانگ یونیورسٹی دے دوران ݙوہیں ملکاں دے سرحدی خطیاں اچ تعلیمی تعاون کوں ودھاوݨ کیتے تجویز پیش کیتی ۔ وفاقی وزیر دے سنکیانگ یونیورسٹی پڄݨ تے یونیورسٹی دی نائب صدر اَتے پاکستانی طالب علماں وفاقی وزیر دا شاندار استقبال کیتا۔ آپݨے خطاب اچ پروفیسر احسن اقبال سنکیانگ یونیورسٹی اَتے …
پروفیسر احسن اقبال ولّوں سنکیانگ یونیورسٹی اَتے قراقرم یونیورسٹی گلگت اچ تعلیمی شراکت دی تجویز
مزید خبراں
اُرمچی۔ 4 دسمبر (اے پی پی) وفاقی وزیر منصوبہ بندی، ترقی تے خصوصی اقدامات پروفیسر احسن اقبال اُرمچی اچ آپݨے دورۂ سنکیانگ یونیورسٹی دے دوران ݙوہیں ملکاں دے سرحدی خطیاں اچ تعلیمی تعاون کوں ودھاوݨ کیتے تجویز پیش کیتی ۔ وفاقی وزیر دے سنکیانگ یونیورسٹی پڄݨ تے یونیورسٹی دی نائب صدر اَتے پاکستانی طالب علماں وفاقی وزیر دا شاندار استقبال کیتا۔ آپݨے خطاب اچ پروفیسر احسن اقبال سنکیانگ یونیورسٹی اَتے قراقرم انٹرنیشنل یونیورسٹی (کے آئی یو) گلگت وچال باضابطہ تعلیمی تے تحقیقی شراکت دے قیام دی تجویز پیش کیتی۔ ایں سانجھ دا مقصد سنکیانگ اَتے گلگت بلتستان دے سرحدی علاقیاں اچ علم، تحقیق، جدید ٹیکنالوجی اَتے افرادی وسائل دی ترقی کوں ودھاوݨ۔ سنکیانگ یونیورسٹی دی نائب صدر ایں تجویز نال اِتفاق کریندیں ہوئیں سانجھے تعلیمی و تحقیقی پروگرامز، فیکلٹی ایکسچینج اَتے سٹوڈنٹ ریسرچ تعاون کیتے آندے ویلھے دا سانجھا فریم ورک بݨاوݨ تے رضامندی کیتی۔ وفاقی وزیر کوں یونیورسٹی دی تاریخ، فیکلٹی دی صلاحیتاں، تحقیقی سرگرمیاں، صنعتی شراکت داری اَتے قومی ترقی دے اہداف نال ہم آہنگ تحقیقی فنڈنگ دے ماڈل تے جامع بریفنگ وی ݙتی ڳئی۔ بریفنگ دے دوران ݙسیا ڳیا جو سنکیانگ یونیورسٹی اچ تحقیقاتی فنڈنگ دا وݙا حصہ تقریباً 40 فیصد سدھا صنعت توں حاصل تھیندے، باقی تحقیقاتی معاونت حکومتی ترقیاتی ترجیحات نال جُڑی ہوئی اَے، جو ہک مضبوط اکیڈمیا انڈسٹری انٹیگریشن ماڈل دی عکاسی کریندی اَے۔ پروفیسر احسن اقبال ایں تحقیقاتی ماڈل کوں پاکستان کیتے ہک پیروی کرݨ دے لائق مثال قرار ݙیندیں ہوئیں آکھیا جو ݙوہیں ملکاں دے تعلیمی اداریاں وچال موثر سانجھ نہ صرف خطے دی ترقی اچ اہم کردار ادا کریسی بلکہ پاک–چین دوستی دے نویں رُخ وی اُجّاگر کریسی۔ اے پیش رفت پاک–چین سرحدی خطیاں اچ تعلیمی تعاون، تحقیقاتی سانجھ اَتے نینگراں دے آپسی رابطیاں دے ہک نویں دور دا آغاز ثابت تھیسی۔
