اسلام آباد۔ 16 دسمبر(اے پی پی)صدر آصف علی زرداری نال آئرلینڈ اچ پاکستان دی نامزد سفیر مریم مدیحہ آفتاب ایوانِ صدر اچ ملاقات کیتی۔ صدرِ مملکت انہاں کوں تقرری تے مبارکباد ݙیندے آکھیا جو او پاکستان اَتے آئرلینڈ وچال تعلقات کوں ٻیا تکڑا بݨاوݨ کیتے کَم کریسن، خاص کر ھک مضبوط معاشی سانجھے داری دے قیام تے توجہ ݙیسن۔ صدر مملکت تجارت اَتے سرمایہ کاری دے نال نال پائیدار ترقی، …
صدر آصف علی زرداری نال آئرلینڈ اچ پاکستان دی نامزد سفیر مریم مدیحہ آفتاب دی ملاقات
اسلام آباد۔ 16 دسمبر(اے پی پی)صدر آصف علی زرداری نال آئرلینڈ اچ پاکستان دی نامزد سفیر مریم مدیحہ آفتاب ایوانِ صدر اچ ملاقات کیتی۔ صدرِ مملکت انہاں کوں تقرری تے مبارکباد ݙیندے آکھیا جو او پاکستان اَتے آئرلینڈ وچال تعلقات کوں ٻیا تکڑا بݨاوݨ کیتے کَم کریسن، خاص کر ھک مضبوط معاشی سانجھے داری دے قیام تے توجہ ݙیسن۔ صدر مملکت تجارت اَتے سرمایہ کاری دے نال نال پائیدار ترقی، ماحولیاتی تبدیلی اَتے ابھردیاں ٹیکنالوجیز دے شعبیاں اچ تعاون ودھاوݨ دی لوڑھ تے زور ݙِتا۔ انہاں پاکستان دے خصوصی اقتصادی زونز اَتے انفارمیشن ٹیکنالوجی دے شعبے اچ آئرش سرمایہ کاری متوجہ کرݨ کیتے کوششاں تکھیاں کرݨ دی ہدایت کیتی۔ آئرلینڈ اچ رہݨ آلی پاکستانی کمیونٹی کوں اڳونہا کریندے صدرِ مملکت عوامی سطح تے رابطیاں کوں مضبوط بݨاوݨ اَتے ثقافتی سفارتکاری اَتے میڈیا دے ذریعے پاکستان دا مثبت تشخص اُجاڳر کرݨ کیتے قریبی رابطے دی ہدایت کیتی۔
