اسلام آباد۔ 17 دسمبر (اے پی پی) وفاقی وزیر پٹرولیم علی پرویز ملک کویت دے وزیر خزانہ تے چیئرمین کویت انویسٹمنٹ اتھارٹی (کے آئی اے) ڈاکٹر صبیح المخیزیم نال ملاقات کیتی اے، ملاقات وچ پاکستان اتے کویت وچال ݙو طرفہ نیڑے تے تاریخی تعلقات کوں مزید مضبوط بݨاوݨ دے عزم دا اظہار کیتا ڳئے۔ترجمان پٹرولیم ڈویژن موجب ݙوہیں وزیراں بھرا ملکاں وچال گھاٹے تاریخی رابطیں اُتے زور ݙتے تے کئی …
وفاقی وزیرعلی پرویزملک دی کویت دے وزیرخزانہ اتے چیئرمین کویت انویسٹمنٹ اتھارٹی ڈاکٹر صبیح المخیزیم نال ملاقات
اسلام آباد۔ 17 دسمبر (اے پی پی) وفاقی وزیر پٹرولیم علی پرویز ملک کویت دے وزیر خزانہ تے چیئرمین کویت انویسٹمنٹ اتھارٹی (کے آئی اے) ڈاکٹر صبیح المخیزیم نال ملاقات کیتی اے، ملاقات وچ پاکستان اتے کویت وچال ݙو طرفہ نیڑے تے تاریخی تعلقات کوں مزید مضبوط بݨاوݨ دے عزم دا اظہار کیتا ڳئے۔ترجمان پٹرولیم ڈویژن موجب ݙوہیں وزیراں بھرا ملکاں وچال گھاٹے تاریخی رابطیں اُتے زور ݙتے تے کئی شعبیں وچ تعاون کوں ودھاوݨ دے عزم کوں دوہرائے۔ ڈاکٹر صبیح المخیزیم آکھیے جو کویت دا پاکستان وچ ہک وݙا سرمایہ کاری پورٹ فولیو موجود اے تے کویت پاکستان وچ مزید سرمایہ کاری وچ گھاٹی دلچسپی رکھیندے ۔وفاقی وزیرعلی پرویز ملک میزان بینک پاکستان دے چیئرمین ریاض الادریسی نال وی انڄ ملاقات کیتی اے۔ ہک ٻئی ملاقات وچ وفاقی وزیر کویت فنڈ فار اکنامک ڈویلپمنٹ دے ڈائریکٹر جنرل ولید شملان احمد نال ملاقات کیتی اے جیندے وچ ترقیاتی فنڈنگ وچ ودھارے اُتے ڳالھ مہاڑ کیتی ڳئی ۔ ترجمان موجب اے ملاقاتاں پاکستان اتے کویت دے وچال ایں سانجھے عزم کوں ظاہر کریندن جو ݙوہیں ملک اپݨی سٹریٹجک شراکت داری کوں مزید ودھیسن
