اسلام آباد۔18دسمبر(اے پی پی)وزیراعظم محمد شہباز شریف حلال گوشت دی برآمدی پالیسی دی منظوری ݙے ڈتی اے، جݙاں جو حلال گوشت دی برآمدات ودھاوݨ کیتے آندے ݙو ہفتیاں اچ عملی اقدامات تے مشتمل ترائے سالہ جامع حکمت عملی پیش کرݨ دا آکھیے۔ وزیراعظم محمد شہباز شریف دی زیر صدارت حلال گوشت دی برآمدی پالیسی دے حوالے نال جائزہ اجلاس تھیا۔ اجلاس اچ وفاقی وزیر تجارت جام کمال خان، وفاقی وزیر …
وزیراعظم دی حلال گوشت دی برآمدی پالیسی دی منظوری، برآمدات ودھاوݨ کیتے جامع حکمت عملی بݨاوݨ دی ہدایت
اسلام آباد۔18دسمبر(اے پی پی)وزیراعظم محمد شہباز شریف حلال گوشت دی برآمدی پالیسی دی منظوری ݙے ڈتی اے، جݙاں جو حلال گوشت دی برآمدات ودھاوݨ کیتے آندے ݙو ہفتیاں اچ عملی اقدامات تے مشتمل ترائے سالہ جامع حکمت عملی پیش کرݨ دا آکھیے۔ وزیراعظم محمد شہباز شریف دی زیر صدارت حلال گوشت دی برآمدی پالیسی دے حوالے نال جائزہ اجلاس تھیا۔ اجلاس اچ وفاقی وزیر تجارت جام کمال خان، وفاقی وزیر قومی غذائی تحفظ رانا تنویر حسین، وفاقی وزیر اقتصادی امور احد خان چیمہ، وزیراعظم دے معاون خصوصی برائے صنعت و پیداوار ہارون اختر خان تے ٻئے متعلقہ سرکاری افسران شرکت کیتی۔ اجلاس اچ وزیراعظم حلال گوشت دی برآمدات ودھاوݨ کیتے آندے ڈو ہفتیاں اچ عملی اقدامات تے مشتمل ترائے سالہ جامع حکمت عملی، پاکستان دی حلال گوشت دی برآمدی مارکیٹ ودھاوݨ کیتے قائم کردہ پیداوار کمیٹی، کولڈ سٹوریج اتے ٻئے عوامل کوں بہتر بݨاوݨ کیتے قابل عمل تجویزاں پیش کرݨ دی ہدایت کیتی۔ انہاں آکھیا جو مسلم ملکاں اتے دنیا بھر دی حلال گوشت دی مارکیٹ اچ پاکستان دا برآمدی حصہ قابل قدر بݨاوݨ کیتے ساریاں متعلقہ وزارتاں اتے صوبائی حکومت دی ہم آہنگی نال بݨائی گئی جامع حکمت عملی ضروری اے، لائیو سٹاک اچ حلال گوشت دی پیداوار کوں عالمی معیار دے مطابق اتے علاقائی پیداواری مقدار دی مسابقت اچ ودھاوݨ کیتے خصوصی اقدامات چاتے ونڄن، حلال گوشت دی پیداواری اتے غذائی قدر اچ اضافے کیتے متعلقہ وفاقی وزارتاں اتے صوبائی حکومتاں دے تعاون نال منظم مراکز دی لوڑھ اے۔ انہاں آکھیا جو نہ صرف مسلم ملکاں ٻھل حلال گوشت دی عالمی مارکیٹ اچ وی پاکستان دا برآمدی حصہ ودھاوݨ دی ودھ گنجائش موجود اے، ملک اچ موجود مذبحہ خانیاں دی عالمی معیار دی سرٹیفیکیشن اتے ٻئے ملکاں توں ݙو طرفہ رجسٹریشن اچ حکومت ہر ممکن ہتھ ونݙیسی۔ انہاں آکھیا جو حلال گوشت دی برآمد کوں ودھاوݨ کیتے بزنس ماڈل کوں عالمی سطح تے تسلیم شدہ بہترین لائحہ عمل توں فائدہ چیندے ہوئیں ٻݨایا ونڄے اتے ملک اچ موجود مذبحہ خانیاں کوں بیماری توں پاک اتے انہاں اچ عالمی معیار دی صفائی ستھرائی دے انتظامات کوں یقینی بݨاوݨ کیتے خصوصی اقدامات چاتے ونڄن، پاکستان دی حلال گوشت دی برآمد کوں بالخصوص علاقائی تناظر اچ ودھاوݨ کیتے ایں شعبے دی لاگت کوں گھٹ توں گھٹ کرݨ تے خصوصی توجہ ڈتی ونڄے۔ اجلاس کوں ݙسایا ڳیا جو پاکستان ولوں بیماری توں پاک حلال گوشت دی برآمد ودھاوݨ کیتے خصوصی زونز اتے مراکز قائم کرݨ دی لوڑھ اے، پاکستان اچ حلال گوشت دی کل پیداوار 6 ملین میٹرک ٹن اے اتے مقامی لوڑھ پوری کرݨ توں بعد خاطر خواہ مقدار برآمد کرݨ کیتے میسر اے، حلال گوشت دی پیداوار کوں ودھاوݨ تے عالمی معیار دی پیکجنگ کیتے خصوصی اقدامات کیتے ویندے پئن
