کساناں دی فلاح، جدید زرعی ٹیکنالوجی اتے منڈیاں تئیں بہتر رسائی کیتے تکڑے اقدامات ضروری ہین، صدر آصف علی زرداری

اسلام آباد۔ 18 دسمبر(اے پی پی) صدرِ مملکت آصف علی زرداری “یومِ کسان” دے موقع تے پاکستانی کساناں کوں خراجِ تحسین پیش کریندے آکھیے جو پاکستان دا کسان ملکی معیشت، خوراک دی خودکفالت تے دیہی ترقی دی بنیاد اے۔ ایوانِ صدر دے پریس ونگ دے مطابق، صدرِ مملکت یومِ کسان دے موقع تے اپݨے سنیہے اچ آکھیے جو خود زراعت نال جڑے گھرانے نال تعلق ہووݨ پاروں او کساناں دی محنت، کامیابیاں تے مشکلاں کوں چنگاں سمجھدن۔ انہاں آکھیا جو زراعت پاکستان دے کروڑاں خانداناں دے روزگار دا ذریعہ تے قومی ترقی دا اہم تھمبا اے۔ پاݨی دی قلت، موسمیاتی تبدیلی اتے زرعی خرچیاں اچ اضافہ پاکستانی کساناں کیتے وڈے چیلنج ہین۔ صدر مملکت آکھیا جو پاکستان اچ کساناں دی فلاح، جدید زرعی ٹیکنالوجی اتے منڈیاں تئیں بہتر رسائی کیتے تکڑے اقدامات لازمی ہین، زرعی شعبے دے استحکام نال ای پاکستان اچ غذائی تحفظ، پائیدار ترقی اتے خوشحالی ممکن اے