اسلام آباد۔18دسمبر(اے پی پی) وفاقی وزیر پٹرولیم علی پرویز ملک نال پاکستان اچ ورلڈ بینک دی کنٹری ڈائریکٹر بولورما امگابازار ملین۔ ملاقات اچ پاکستان دے توانائی دے شعبے اچ جاری اتے آوݨ والیاں اصلاحات، خاص طور تے گیس دے شعبے دی پائیداری، پاکستان دے توانائی دے شعبے اچ اصلاحات اتے پائیدار ترقی دے اہداف حاصل کرݨ کیتے باہمی تعاون جاری رکھݨ دا عزم دوہرائے۔ ورلڈ بینک دی کنٹری ڈائریکٹر بولورما …
وفاقی وزیر علی پرویز ملک نال ورلڈ بینک دی کنٹری ڈائریکٹر بولورما امگابازار دی ملاقات
اسلام آباد۔18دسمبر(اے پی پی) وفاقی وزیر پٹرولیم علی پرویز ملک نال پاکستان اچ ورلڈ بینک دی کنٹری ڈائریکٹر بولورما امگابازار ملین۔ ملاقات اچ پاکستان دے توانائی دے شعبے اچ جاری اتے آوݨ والیاں اصلاحات، خاص طور تے گیس دے شعبے دی پائیداری، پاکستان دے توانائی دے شعبے اچ اصلاحات اتے پائیدار ترقی دے اہداف حاصل کرݨ کیتے باہمی تعاون جاری رکھݨ دا عزم دوہرائے۔ ورلڈ بینک دی کنٹری ڈائریکٹر بولورما امگابازار پٹرولیم ڈویژن نال گیس سیکٹر اصلاحات دے فروغ اچ ورلڈ بینک دی مسلسل مدد دی یقین دہانی کرائی اتے ایل پی جی سیکٹر اچ اصلاحات اتے اوگرا دی استعداد کار ودھاوݨ کیتے باہمی تعاون تے آمادگی ݙکھائی۔ انھاں ڈسایا جو ورلڈ بینک پہلے ہی وزارت نال رل تے گیس سیکٹر اصلاحات کیتے ہک جامع روڈ میپ ٻݨیدا پئے جیندے اچ سوئی گیس کمپنیاں دی کارکردگی اتے افادیت بہتر بݨاوݨ اتے ان بنڈلنگ دے اقدامات شامل ہن۔ ایں موقع تے وفاقی وزیر علی پرویز ملک ورلڈ بینک دیاں تجزیاتی رپورٹس اتے کم دی تعریف کریندے ہوئیں انھاں کوں سٹریٹجک وژن اتے مستقبل دے مطابق قرار ݙتے۔ انھاں آکھیا جو ایئر کوالٹی انڈیکس اچ بہتری حکومت دی ہک اہم ترجیح اے جیندے کیتے ایندھن دے معیار کوں بہتر بݨاوݨ دیاں کوششاں جاری ہن اتے ایں مقصد کیتے پاکستان دیاں ریفائنریاں کوں اپ گریڈ کرݨا لازمی اے۔
