اسلام آباد۔18 دسمبر(اے پی پی) دفتر خارجہ دے ترجمان طاہر حسین اندرابی آکھیے جو آسٹریلیا اچ بونڈی بیچ حملے نال پاکستان کوں جوڑݨ افسوسناک اتے غیر ذمہ دارانہ اے، پاکستان ہر قسم دی دہشت گردی دی مذمت کریندے۔ پریس بریفنگ اچ انھاں آکھیے جو بھارتی میڈیا غلط معلومات کھنݙائن جڈاں جو بعد اچ حملہ آور بھارتی نژاد اتے بھارت دا پاسپورٹ ہولڈر نکلیے۔ ترجمان آکھیے جو ہک پاکستانی دا …
بونڈی بیچ حملے نال پاکستان کوں جوڑݨ افسوسناک اے، ترجمان دفتر خارجہ
اسلام آباد۔18 دسمبر(اے پی پی) دفتر خارجہ دے ترجمان طاہر حسین اندرابی آکھیے جو آسٹریلیا اچ بونڈی بیچ حملے نال پاکستان کوں جوڑݨ افسوسناک اتے غیر ذمہ دارانہ اے، پاکستان ہر قسم دی دہشت گردی دی مذمت کریندے۔ پریس بریفنگ اچ انھاں آکھیے جو بھارتی میڈیا غلط معلومات کھنݙائن جڈاں جو بعد اچ حملہ آور بھارتی نژاد اتے بھارت دا پاسپورٹ ہولڈر نکلیے۔ ترجمان آکھیے جو ہک پاکستانی دا ناں اتے تصویر بغیر تصدیق میڈیا تے ݙکھائی گئی، جیندے نال ہک بے گناہ بندے اتے اوندی فیملی کوں خطرات لاحق تھئے۔ ترجمان آکھیے جو غلط رپورٹنگ نال بھارتی میڈیا دی ساکھ کوں شدید نقصان پڄیے، انھاں کوں ذمہ دارانہ رویہ اپݨاوݨا چاہیدا ہئی۔ انھاں وزیراعظم شہباز شریف اتے روسی صدر پیوٹن دی ملاقات بارے بھارتی پروپیگنڈے کوں وی مسترد کیتا۔ ہک سوال دے جواب اچ انھاں آکھیے جو بھارت کیتے پاکستان دی فضائی حدود دی بندش ڈوہائیں ملکاں دے تعلقات دی عکاسی کریندی اے۔ انھاں آکھیے جو افغانستان اچ دہشت گرد عناصر دی موجودگی خطے دے امن کیتے وݙا خطرہ اے اتے اقوام متحدہ دی رپورٹ وی پاکستان دے ایں موقف دی تصدیق کیتی اے۔
