اسلام آباد۔18 دسمبر(اے پی پی) وزیراعظم محمد شہباز شریف قطر دے برادر عوام کیتے امن، ترقی اتے خوشحالی کیتے نیک خواہشات پچیندے پاکستان اتے قطر وچال دیرینہ اتے کثیر جہتی شراکت داری ٻئی تکڑی کرݨ کیتے پاکستان دا عزم دوہرائے۔ شہباز شریف قطر دے قومی ݙینہہ تے قطر دے امیر شیخ تمیم بن حمد الثانی کوں فون کیتے اتے انھاں کوں دلی مبارکباد ݙتی۔ وزیراعظم قطر دے امیر دی …
وزیراعظم شہباز شریف دا امیر قطر نال ٹیلیفونک رابطہ
اسلام آباد۔18 دسمبر(اے پی پی) وزیراعظم محمد شہباز شریف قطر دے برادر عوام کیتے امن، ترقی اتے خوشحالی کیتے نیک خواہشات پچیندے پاکستان اتے قطر وچال دیرینہ اتے کثیر جہتی شراکت داری ٻئی تکڑی کرݨ کیتے پاکستان دا عزم دوہرائے۔ شہباز شریف قطر دے قومی ݙینہہ تے قطر دے امیر شیخ تمیم بن حمد الثانی کوں فون کیتے اتے انھاں کوں دلی مبارکباد ݙتی۔ وزیراعظم قطر دے امیر دی دور اندیش قیادت اچ قطر دی شاندار کامیابیاں اتے عالمی سطح تے ایندی ودھدی اہمیت دی تعریف کیتی۔ انہاں غزہ اچ قیامِ امن دی کوششاں اچ قطر دے قابل قدر کردار دی وی تعریف کیتی۔ انھاں پاکستان اتے افغانستان وچال کشیدگی کوں گھٹ کرݨ کیتے قطر دی سہولت کاری کوں وی سراہیا۔ وزیراعظم امیر قطر کوں پاکستان دا سرکاری دورہ کرݨ دی دعوت وی ݙتی۔ امیر قطر مبارکباد ݙیوݨ تے وزیراعظم دا شکریہ ادا کیتا
