اسلام آباد۔19 دسمبر(اے پی پی)وزیر اعظم محمد شہباز شریف بونڈائی بیچ سڈنی اچ دہشت گرداں دی فائرنگ نال معصوم جاناں دے ضیان تے ݙکھ اتے ارمان کیتے، انہاں دہشت گردی دی ایں بزدلانہ کارروائی دی مذمت کیتی اے اتے آسٹریلیا نال یکجہتی کیتے، ایندے نال ای پاکستان اتے آسٹریلیا وچال ݙو طرفہ تجارت اتے سرمایہ کاری کوں ودھاوݨ اتے زراعت و لائیو سٹاک دے شعبیاں اچ تعاون ودھاوݨ تے زور …
وزیراعظم شہباز شریف دی آسٹریلوی ہائی کمشنر نال ملاقات
اسلام آباد۔19 دسمبر(اے پی پی)وزیر اعظم محمد شہباز شریف بونڈائی بیچ سڈنی اچ دہشت گرداں دی فائرنگ نال معصوم جاناں دے ضیان تے ݙکھ اتے ارمان کیتے، انہاں دہشت گردی دی ایں بزدلانہ کارروائی دی مذمت کیتی اے اتے آسٹریلیا نال یکجہتی کیتے، ایندے نال ای پاکستان اتے آسٹریلیا وچال ݙو طرفہ تجارت اتے سرمایہ کاری کوں ودھاوݨ اتے زراعت و لائیو سٹاک دے شعبیاں اچ تعاون ودھاوݨ تے زور ݙتے۔ وزیر اعظم آفس دے میڈیا ونگ توں جاری بیان دے مطابق، وزیر اعظم محمد شہباز شریف نال پاکستان اچ آسٹریلیا دے نویں ہائی کمشنر ٹم کین ملاقات کیتی۔ ایں موقع تے نائب وزیراعظم و وزیر خارجہ سینیٹر محمد اسحاق ڈار، معاون خصوصی طارق فاطمی اتے سیکرٹری خارجہ وی موجود ہن۔ وزیراعظم ہائی کمشنر کوں انہاں دی تقرری تے مبارکباد ݙتی اے امید کیتی اے جو انہاں دی تعیناتی نال ݙوہاں ملکاں دے پراݨے اتے دوستانہ تعلقات مزید مضبوط تھیسن۔ وزیراعظم 14 دسمبر 2025 کوں سڈنی اچ تھیوݨ آلے واقعے تے افسوس کیتے اتے آکھیے جو پاکستان ایں بزدلانہ حملے دی بھرپور مذمت کریندے۔ انہاں آکھیے جو ایں ݙکھ اچ پاکستان آسٹریلیا نال کھڑے، دہشت گردی دا کوئی مذہب کائنی ہوندا اتے ایں لعنت کوں مکاوݨ کیتے کٹھیاں تھیوݨ دی لوڑھ اے۔ پاکستان آسٹریلیا تعلقات دے چنڳے پہلوآں کوں سامݨے رکھدے ہوئیں وزیراعظم ݙو طرفہ تجارت اتے سرمایہ کاری ودھاوݨ تے زور ݙتے اتے زراعت و لائیو سٹاک اچ تعاون ودھاوݨ دی خواہش کیتی۔ انہاں کان کنی اتے معدنیات اچ آسٹریلوی دلچسپی دا خیر مقدم کیتے اتے ریکوڈک کوں پاکستان دی صلاحیت دی روشن مثال قرار ݙتے۔ وزیراعظم کرکٹ اتے ثقافتی رابطیاں دی اہمیت وی ݙسائی اتے آسٹریلوی قیادت کیتے نیک خواہشات پچائن۔
