اسلام آباد۔19 دسمبر(اے پی پی)وزیراعظم محمد شہباز شریف سمگلنگ روکݨ کیتے ایف بی آر دے اقدامات کوں سراہیے اتے ٹیکس چوری دے خلاف کارروائیاں تکھیاں کرݨ اتے ٹیکس چوراں و سمگلراں نال کوئی رعایت نہ ورتݨ دی ہدایت کیتی اے۔ وزیراعظم آفس دے مطابق، وزیراعظم دی صدارت اچ ایف بی آر دی کارکردگی دا ہفتہ وار جائزہ اجلاس تھئے جیندے اچ بریفنگ ݙتی ڳئی۔ اجلاس اچ وفاقی وزرا محمد اورنگزیب، …
وزیر اعظم دی اڳواݨی اچ ایف بی آر دی کارکردگی دا ہفتہ وار جائزہ اجلاس
اسلام آباد۔19 دسمبر(اے پی پی)وزیراعظم محمد شہباز شریف سمگلنگ روکݨ کیتے ایف بی آر دے اقدامات کوں سراہیے اتے ٹیکس چوری دے خلاف کارروائیاں تکھیاں کرݨ اتے ٹیکس چوراں و سمگلراں نال کوئی رعایت نہ ورتݨ دی ہدایت کیتی اے۔ وزیراعظم آفس دے مطابق، وزیراعظم دی صدارت اچ ایف بی آر دی کارکردگی دا ہفتہ وار جائزہ اجلاس تھئے جیندے اچ بریفنگ ݙتی ڳئی۔ اجلاس اچ وفاقی وزرا محمد اورنگزیب، احد خان چیمہ، وزیر مملکت بلال اظہر کیانی، چیئرمین ایف بی آر اتے ٻئے اعلیٰ حکام شریک ہن۔ وزیراعظم سمگلنگ روکݨ دی کامیاب کارروائیاں تے ایف بی آر کوں شاباش ݙتی اے اتے آکھیے جو ہر سال قوم دا ارباں روپے دا ضیان تھیندے، کسٹمز دی کارروائیاں نال سمگلنگ اچ کمی آوݨ چنڳی ڳالھ اے، سمگلنگ روکݨ نال ہݨ چیزاں قانونی طریقے نال آسن اتے معیشت دا حصہ بݨسن۔ وزیراعظم صوبائی حکومتاں کوں وی ہدایت کیتی اے جو او غیر قانونی پٹرول پمپس دے خلاف ایف بی آر نال تعاون کرن۔ بریفنگ اچ ݙسایا ڳئے جو پورے ملک اچ کسٹمز دا نظام نافذ اے اتے “راہگزر ایپ” نال پٹرول پمپس رجسٹرڈ تھی چُکین۔ پٹرولیم محصولات اچ 82 فیصد اضافہ تھئے، جݙاں جو سگریٹ، ٹائر اتے الیکٹرانکس دی سمگلنگ روکݨ نال وی محصولات ودھین۔
