اسلام اباد۔ 19 دسمبر(اے پی پی)وفاقی وزیر طارق فضل چوہدری آکھیے جو اقوام متحدہ دی رپورٹ اچ پہلگام واقعے تے پاکستان دا مؤقف ن گھدا ڳئے اتے بھارت کوڑا ثابت تھئے۔ انہاں آکھیا جو اقوام متحدہ دی رپورٹ نال اللہ تعالیٰ دے فضل و کرم نال پاکستان کوں عالمی سطح تے ودھ پذیرائی ملی اے۔ اپݨے سماجی رابطے دی ویب سائٹ "ایکس" تے سنیہے اچ انہاں آکھیا جو پہلگام واقعے …
اقوام متحدہ دی رپورٹ اچ پہلگام واقعے تے پاکستان دا مؤقف مننݨ پاکستان دی جیت اے، طارق فضل چوہدری
اسلام اباد۔ 19 دسمبر(اے پی پی)وفاقی وزیر طارق فضل چوہدری آکھیے جو اقوام متحدہ دی رپورٹ اچ پہلگام واقعے تے پاکستان دا مؤقف ن گھدا ڳئے اتے بھارت کوڑا ثابت تھئے۔ انہاں آکھیا جو اقوام متحدہ دی رپورٹ نال اللہ تعالیٰ دے فضل و کرم نال پاکستان کوں عالمی سطح تے ودھ پذیرائی ملی اے۔ اپݨے سماجی رابطے دی ویب سائٹ “ایکس” تے سنیہے اچ انہاں آکھیا جو پہلگام واقعے اچ بھارت پاکستان دے ملوث ہووݨ بارے الزامات ثابت کرݨ اچ ناکام رہے، اقوام متحدہ دی رپورٹ آھدی اے جو 7 مئی کوں بھارت پاکستانی حدود اچ طاقت دا استعمال کیتے جیڑھا جو اقوام متحدہ دے چارٹر دے خلاف اے، ڄیکر بھارت دی کارروائی کوں مسلح حملہ قرار ݙتا ونڄے تاں پاکستان کوں آپݨے دفاع دا حق استعمال کرݨ دا پورا حق اے۔ انہاں آکھیا جو اقوام متحدہ بھارت تے زور ݙتے جو او پاکستان دی خودمختاری دا احترام کرے اتے ایںدے قانونی حقوق دی خلاف ورزی کرݨ آلے اقدامات توں باز رہوے۔
