وزارت منصوبہ بندی دی آئین دے اصولِ پالیسی تے قومی مشاورتی ورکشاپ

اسلام آباد۔ 19 دسمبر(اے پی پی)وفاقی وزیر منصوبہ بندی، ترقی و خصوصی اقدامات احسن اقبال آکھیے جو سالانہ آئینی رپورٹنگ کوں صرف ھک رسمی عمل دی بجائے نتائج تے مبنی بݨاوݨ ضروری اے، حکومت ھک اینڄھا قومی فریم ورک متعارف کراوݨ چاہندی اے ڄیڑھا شفاف، نتیجہ خیز اتے قابلِ احتساب ہووے جیندے تحت آئین دے اصولِ پالیسی دے اہداف، ترقیاتی ترجیحات اتے گورننس آؤٹ کمز کوں ھک ٻئے نال جوڑیا ویسی۔ انھاں اے ڳالھ وزارت منصوبہ بندی ولوں آئینِ پاکستان دے اصولِ پالیسی تے ھک قومی مشاورتی ورکشاپ نال خطاب اچ آکھی۔ وفاقی وزیر آکھیا جو جتنا اہم کم آئین بݨاوݨ اے، اتنا ای اہم آئین تے عملدرآمد اے، آئین دے اصولِ پالیسی تے عمل کیتے اڄ تئیں کوئی واضح اتے جڑیا ہویا روڈ میپ موجود کائنی جیڑھا جو ھک ٻہوں وݙا خلا اے۔ ایں سانڳے ہݨ ھک پکا، قابلِ عمل اتے قابلِ احتساب لائحہ عمل بݨاوݨ دی لوڑھ اے، سارے متعلقہ اداریاں دی رہنمائی اچ ہر اصولِ پالیسی کوں عملی اقدامات اتے واضح اہداف اچ ڈھالیا ویسی تاں جو آئینی تقاضے عوامی فلاح اتے جامع ترقی اچ حقیقی طور تے بدل سڳن۔