صدر آصف علی زرداری نال پاکستان اچ یو اے ای دے سفیر دی ملاقات

اسلام آباد۔19 دسمبر(اے پی پی)صدر مملکت آصف علی زرداری نال پاکستان اچ متحدہ عرب امارات دے سفیر سالم محمد سالم البواب الزعابی ملین۔ انہاں مختلف شعبیاں اچ ݙو طرفہ تعلقات ودھ تکڑے کرݨ تے ڳالھ مہاڑ کیتی۔ صدر مملکت نویں تعینات تھیوݨ آلے سفیر کوں خوش آمدید آکھیا اتے نیک تمناواں پچاعن۔ انھاں متحدہ عرب امارات ولوں پاکستان کوں معاشی اتے بنیادی ڈھانچے دی ترقی دے شعبیاں اچ مسلسل تعاون تے پاکستان ولوں شکریہ ادا کریندے آکھیے جو پاکستان شیخ محمد بن زید النہیان دی باہمی طور تے طے تھیوݨ آلی مناسب تاریخاں تے سرکاری دورے دی میزبانی کیتے تیار اے۔ ایں موقع تے پاکستان اتے متحدہ عرب امارات وچال قریبی برادرانہ تعلقات دا جائزہ گھدا ڳیا اتے سیاسی، معاشی، دفاعی اتے عوامی سطح تے رابطیاں سودھا مختلف شعبیاں اچ تعاون ودھاوݨ دے موقعیاں تے ڳالھ مہاڑ تھئی۔ ایں موقع تے سینیٹ اچ پاکستان پیپلز پارٹی دی پارلیمانی لیڈر سینیٹر شیری رحمان اتے سینیٹر سلیم مانڈوی والا وی موجود ہن۔