اسلام آباد۔20 دسمبر(اے پی پی) چیف جسٹس پاکستان جسٹس یحییٰ آفریدی عدالتی نظام اچ مالی نظم و نسق کوں جدید بݨاوݨ تے زور ݙیندے آکھیے جو سپریم کورٹ اچ ڈیجیٹلائزیشن انہاں دی اولیتاں اچ ساریں توں اڳوں اے۔ اے ڳالھ انہاں اکاؤنٹنٹ جنرل پاکستان ریونیو (اے جی پی آر) کامران رشید نال ملاقات اچ آکھی۔ بریفنگ اچ ݙسایا ڳیا جو آن لائن بلنگ سسٹم اڳلے 15 ݙینہاں اچ فعال تھی …
سپریم کورٹ اچ ڈیجیٹلائزیشن اول ترجیح اے، چیف جسٹس یحییٰ آفریدی
اسلام آباد۔20 دسمبر(اے پی پی) چیف جسٹس پاکستان جسٹس یحییٰ آفریدی عدالتی نظام اچ مالی نظم و نسق کوں جدید بݨاوݨ تے زور ݙیندے آکھیے جو سپریم کورٹ اچ ڈیجیٹلائزیشن انہاں دی اولیتاں اچ ساریں توں اڳوں اے۔ اے ڳالھ انہاں اکاؤنٹنٹ جنرل پاکستان ریونیو (اے جی پی آر) کامران رشید نال ملاقات اچ آکھی۔ بریفنگ اچ ݙسایا ڳیا جو آن لائن بلنگ سسٹم اڳلے 15 ݙینہاں اچ فعال تھی ویسی جیندے نال دستی ٻل تے چیک ختم تھی ویسن ۔ چیف جسٹس خواہش کیتی جو ایں نظام کوں ہائی کورٹس تئیں وی ودھایا ونڄے تاں جو سائلین فیساں ڈیجیٹل طریقے نال جمع کرا سڳن تے مالی لین دین شفاف بݨے ۔ ایں موقع تے انہاں کوں یادگاری شیلڈ وی پیش کیتی ڳئی۔
