اسلام آباد۔20 دسمبر(اے پی پی)وفاقی وزیر مواصلات عبدالعلیم خان لوک ورثہ اچ منعقدہ تاجکستان پاکستان ثقافتی میلے اچ شرکت دے دوران وسطی ایشیائی ریاستاں نال تعلقات مضبوط بݨاوݨ کیتے پاکستان دے عزم کوں دوہرایا ۔ انہاں سانجھی سمجھداری دے ودھارے تے علاقائی تعاون ودھاوݨ کیتے ثقافتی رابطیں کوں ہک موثر ذریعہ قرار ݙتے ۔ وفاقی وزیر دا لوک ورثہ پڄݨ تے پاکستان اچ تاجکستان دے سفیر شریف زادہ یوسف استقبال …
تاجکستان پاکستان ثقافتی میلے اچ وسطی ایشیا نال تعلقات مضبوط بݨاوݨ دا عزم
اسلام آباد۔20 دسمبر(اے پی پی)وفاقی وزیر مواصلات عبدالعلیم خان لوک ورثہ اچ منعقدہ تاجکستان پاکستان ثقافتی میلے اچ شرکت دے دوران وسطی ایشیائی ریاستاں نال تعلقات مضبوط بݨاوݨ کیتے پاکستان دے عزم کوں دوہرایا ۔ انہاں سانجھی سمجھداری دے ودھارے تے علاقائی تعاون ودھاوݨ کیتے ثقافتی رابطیں کوں ہک موثر ذریعہ قرار ݙتے ۔ وفاقی وزیر دا لوک ورثہ پڄݨ تے پاکستان اچ تاجکستان دے سفیر شریف زادہ یوسف استقبال کیتا ۔ ایں موقع تے سفارت کاراں دے علاوہ اعلیٰ افسران تے ثقافتی نمائندے وی موجود ہن جیڑھے ݙو طرفہ تعلقات اچ ودھدی گرمجوشی دی عکاسی کریندن ۔میلے اچ پاکستان تے تاجکستان دے سانجھے ورثے تے فنکارانہ روایات کوں اجاگر کیتا ڳیا جینکوں شرکاء ٻہوں پسند کیتا ۔ تقریب نال خطاب کریندے وفاقی وزیر عبدالعلیم خان تاجکستان توں آئے 75 ممبران دے ثقافتی دستے دی شاندار پرفارمنس دی تعریف کیتی اے۔ انہاں فنکاراں کوں تاجکستان دے بھرپور ثقافتی ورثے دی خوبصورت عکاسی تے خراجِ تحسین پیش کیتا تے حکومتِ پاکستان تے عوام ولوں انہاں دی حوصلہ افزائی کیتی ۔ انہاں آکھیا جو پاکستان تاجک فنکاراں کوں جی آیاں کوں آکھدے تے ثقافتی تبادلیں کوں قوماں دے درمیان دوستی تے اعتماد مضبوط بݨاوݨ دا ذریعہ سمجھدے ۔ تاجکستان دی وزیر ثقافت مطلب خن ستوریون وی عبدالعلیم خان نال ملاقات کیتی تے پاکستان دی مہمان نوازی دا شکریہ ادا کیتا۔ تقریب اچ وفاقی وزیراورنگزیب خان کھچی، اعلیٰ افسران تے سفارتی برادری شرکت کیتی۔
