صدرِ آصف علی زرداری دی پاکستان انڈر 19 کرکٹ ٹیم کوں ایشیا کپ جِتݨ تے مبارخ

اسلام آباد۔21 دسمبر (اے پی پی)صدرِ مملکت آصف علی زرداری پاکستان انڈر 19 کرکٹ ٹیم کوں ایشیا کپ جِتݨ تے مبارخ ݙیندے آکھیے جو بھارت دے خلاف فائنل اچ شاندار جت نینگراں کھݙاریاں دی محنت، نظم و ضبط تے عزم دا ثبوت اے۔ ایوانِ صدر دے پریس ونگ توں جاری بیان موجب صدر آصف علی زرداری آکھیا جو انڈر 19 ٹیم دی کامیابی پوری قوم کیتے ماݨ تے خوشی دی ڳالھ اے۔ صدرِ مملکت کپتان، کھݙاریاں، اعلیٰ افسران تے کرکٹ بورڈ دی سانجھی کارکردگی دی تعریف کریندے آکھیا جو نینگراں دی اے جت آوݨ آلے عالمی مقابلیں کیتے امید دی ہک نویں کرن اے ۔ صدرِ مملکت پاکستان کرکٹ بورڈ کوں نینگراں دے ہنر دی سرپرستی کرݨ تے مبارخ ݙتی تے آکھیا چیئرمین پی سی بی محسن نقوی تے کوچنگ سٹاف دیاں کوششاں قابلِ تحسین ہن ۔ انہاں آکھیا جو قوم دی دعاواں تے حمایت ہمیشہ نینگراں دے نال ہن ۔ جے کرکھݙاریاں کوں کوئی وی اوکھ پیش آئی تاں پی سی بی انھاں نال نبݨݨ تے مدد کرݨ کیتے تیار اے۔