دبئی۔22 دسمبر(اے پی پی)صدر ایشین کرکٹ کونسل محسن نقوی دی صدارت اچ اے سی سی ہیڈ کوارٹر اچ ہک خصوصی اجلاس تھیا جیندے اچ ایشیائی کرکٹ کوں ودھاوݨ، اڄوکے ٹورنامنٹس کراوݨ تے مستقبل دے منصوبیں تے تفصیلی غور کیتا ڳئے۔ اجلاس دے دوران ایشیا کپ انڈر 19 ٹورنامنٹ دے بہترین انتظامات تے اے سی سی ولوں منتظمین دا شکریہ ادا کیتا ڳئے ۔ محسن نقوی ٹورنامنٹ دے کامیاب انعقاد تے …
محسن نقوی دی صدارت اچ اے سی سی دا اجلاس
دبئی۔22 دسمبر(اے پی پی)صدر ایشین کرکٹ کونسل محسن نقوی دی صدارت اچ اے سی سی ہیڈ کوارٹر اچ ہک خصوصی اجلاس تھیا جیندے اچ ایشیائی کرکٹ کوں ودھاوݨ، اڄوکے ٹورنامنٹس کراوݨ تے مستقبل دے منصوبیں تے تفصیلی غور کیتا ڳئے۔ اجلاس دے دوران ایشیا کپ انڈر 19 ٹورنامنٹ دے بہترین انتظامات تے اے سی سی ولوں منتظمین دا شکریہ ادا کیتا ڳئے ۔ محسن نقوی ٹورنامنٹ دے کامیاب انعقاد تے اے سی سی دی پوری ٹیم کوں مبارخ ݙتی تے آکھیا جو ایں ایونٹ نال نینگر کھݙاریاں کوں اپݨی صلاحیت منواوݨ دا چنڳا موقع ملیے ۔اجلاس اچ ایشیائی کرکٹ دے معیار کوں ٻیا اُچا کرݨ کیتے “سٹیٹ آف دی آرٹ” ہائی پرفارمنس سنٹرز بݨاوݨ دا اہم فیصلہ کیتا ڳئے تے ایندی باضابطہ منظوری وی ݙتی ڳئی ۔ ݙسایا ڳئے جو جنھاں ایشیائی ملکاں کول ایجھی سہولتاں کائنی ، انھاں کوں ترجیحی بنیاداں تے فیدہ ݙتا ویسی۔ محسن نقوی آکھیے جو انھاں سنٹرز دا دائرہ کار مرحلہ وار ودھایا ویسی تاں جو ایشیائی کرکٹرز عالمی معیار دی تربیت حاصل کرسڳن۔ اجلاس اچ بنگلہ دیش، افغانستان، امارات کرکٹ بورڈ دے صدور تے ٻئے اعلیٰ افسران شرکت کیتی اے۔ چھیکڑ اچ اچ ایشیائی کرکٹ دے مقاصد کیتے سانجھے تعاون کوں ٻیا تکڑا بݨاوݨ تے اتفاق کیتا ڳئے
