صدرمملکت آصف علی زرداری دی عراق دے نگراں وزیراعظم محمد شیاع السودانی نال ملاقات

بغداد۔21 دسمبر (اے پی پی)صدرِ مملکت آصف علی زرداری نال عراق دے نگراں وزیراعظم محمد شیاع السودانی گورنمنٹ پیلس اچ ملاقات کیتی ، جیند اچ ݙوہیں ملکاں دے تعاون تے سانجھی دلچسپی دے شعبیں تے ڳالھ مہاڑ تھئی۔ صدرِمملکت شاندار مہمان نوازی تے عراقی حکومت دا شکریہ ادا کیتا تے پارلیمانی الیکشن دے مکمل تھیوݨ تے مبارخ ݙتی اے۔ انہاں آکھیا جو پاکستان عراق نال اپݨے پراݨے برادرانہ تعلقات کوں قدر دی نگاہ نال ݙیکھدے ۔ݙوہیں رہنماواں معاشی تعاون ودھاوݨ تے اتفاق کیتے ۔ صدرِ مملکت آکھیا جو پاکستان آئی ٹی، زراعت، تعمیرات تے دوائیں دے شعبیں اچ تعاون ودھاوݨ کیتے تیار اے۔ انہاں زائرین دی آونڄ اچ سہولت کیتے براہِ راست بینکاری چینلز دی اہمیت تے وی زور ݙتا ۔ ملاقات اچ دفاعی تعلقات تے تربیتی پروگراماں تے وی اطمینان دا اظہار کیتا ڳئے۔ صدرِ مملکت عراق دی تعمیرِ نو اچ پاکستان دی فنی مہارت تے افرادی قوت ݙیوݨ دی پیشکش وی کیتی اے۔پاکستانی زائرین دے معاملیں تے وی تفصیلی ڳالھ تھئی اے۔ صدر آصف علی زرداری زائرین کوں پیش آوݨ آلی ہر قسم دی اوکھ نال نبݨݨ کیتے مفاہمتی یادداشت کوں وقتی مکمل کرݨ تے امیگریشن تے بہتر سہولتاں ڈیوݨ دی لوڑھ تے زور ݙتا ۔ ایں ملاقات اچ سینیٹر شیری رحمان، سینیٹر سلیم مانڈوی والا، گورنر پنجاب سردار سلیم حیدر خان تے ٻئے اعلیٰ افسران وی صدرِ مملکت دے نال ہن۔