کشمیری پاکستان دی نظریاتی سرحداں دے محافظ ہن،  امیر مقام

اسلام آباد۔22 دسمبر (اے پی پی)وفاقی وزیر امیر مقام بھارت دی پاݨی دی جارحیت دی سخت مذمت کیتی اے تے آکھیے جو پاکستان آخری حد تئیں ویسی ۔ اسلام آباد اچ پریس کانفرنس کریندے انہاں آکھیا جو کشمیری پاکستان دے محافظ ہن تے آزاد کشمیر اچ مسلم لیگ ن کوں منظم ݙیکھ تے خوشی تھئی اے ۔ انہاں آکھیا جو کشمیر ساݙی پہلی ترجیح اے تے اساں کشمیری عوام کوں کݙاہیں مایوس نہ کریسوں۔ایں موقع تے تحریک انصاف دے رکن اسمبلی سردار میر اکبر خان مسلم لیگ ن اچ شامل تھی گئن ۔ ایں تقریب اچ راجہ فاروق حیدر، شاہ غلام قادر تے ٻئے اعلیٰ افسران وی موجود ہن ۔ شاہ غلام قادر آکھیا جو پراݨے ساتھیاں دی واپسی نال ن لیگ ٻئی تکڑی تھیسی ۔ راجہ فاروق حیدر آکھیا جو میر اکبر دی شمولیت نال ضلع باغ اچ جماعت مضبوط تھیسی ۔ ݙوہیں رہنماواں ایں عزم دا اظہار کیتا جو او ہر اوکھ اچ کشمیری عوام دے نال ہن تے انھاں دے مسئلیں نال نبݨݨ کیتے کوششاں جاری رکھیسن ۔ سردار میر اکبر آکھیا جو انہاں دا ن لیگ نال پراݨا رشتہ اے تے او اپݨے ساتھیاں نال مل تے کم کریسن