قائمہ کمیٹی برائے اطلاعات دا اجلاس، وزیرِ اطلاعات عطاء اللہ تارڑ دی پی ٹی وی اصلاحات تے بریفنگ

اسلام آباد۔22 دسمبر (اے پی پی)وفاقی وزیرِ اطلاعات و نشریات عطاء اللہ تارڑ قومی اسمبلی دی قائمہ کمیٹی کوں پی ٹی وی اچ جاری اصلاحات تے بریفنگ ڈیندے آکھیے جو ماضی اچ اے ادارہ اقرباء پروری اتے بدعنوانی دے مسئلیاں دا شکار رہے، ادارے دی بہتری کیتے بہترین ادارہ جاتی اصلاحات تے کم تھیندا پئے۔ پلین بلوچ دی صدارت اچ تھیوݨ آلے اجلاس اچ وفاقی وزیر ڈسایا جو پی ٹی وی ورلڈ اتے ڈیجیٹل میڈیا دی تنظیمِ نو کیتی ویندی پئی اے تاں جو آمدن تے ناظرین اچ اضافہ تھیوے۔انہاں آکھیے جو ادارے کوں اپݨے پیریں تے کھڑا کرݨ کیتے سٹرکچرل اصلاحات ضروری ہن۔ وزیرِ اطلاعات ہک تجویز اے وی ڈتی اے جو پی ٹی وی اچ ملازمین ٻہوں زیادہ ہن، جے گولڈن ہینڈ شیک سکیم شروع کیتی ونجے تاں صورتحال بہتر تھی سگدی اے۔ کمیٹی وزارتِ اطلاعات کوں ہدایت کیتی اے جو قوانین دا جائزہ گھدا ونجے تاں جو انھاں کوں کابینہ دے فیصلیاں دے مطابق ٻݨایا ونجے۔

کمیٹی پیمرا آرڈیننس، نیوز پیپر ایمپلائز ایکٹ اتے اے پی پی آرڈیننس اچ ترامیم دی وی منظوری ݙتی۔ ایں توں علاوہ ہدایت کیتی گئی اے جو کہیں وی ادارے دے سربراہ دی ریٹائرمنٹ توں 30 ڈینہہ پہلے نویں تقرری دا عمل شروع کیتا ونجے تاں جو کم اچ کوئی اوکھ پیدا نہ تھیوے۔ اجلاس اچ ندیم عباس، کرن عمران ڈار، مہتاب اکبر راشدی اتے ٻئے اعلیٰ افسران شریک ہن، جنھاں ادارے کوں ٹھیک طریقے نال چلاوݨ تے مسئلیاں نال نبݨݨ کیتے اپنی تجاویز ڈتین۔