نائب وزیراعظم اسحاق ڈار دی صدارت اچ ضروری اتے نقد آور فصلاں دی کابینہ کمیٹی دا ستواں اجلاس

xاسلام آباد۔22 دسمبر(اے پی پی)نائب وزیراعظم و وزیرِ خارجہ سینیٹر محمد اسحاق ڈار ضروری اتے نقد آور فصلاں دی کابینہ کمیٹی دے ستویں اجلاس دی صدارت کیتی۔ اجلاس اچ کمیٹی دے ممبراں توں علاوہ وزارتِ قومی غذائی تحفظ، وزارتِ تجارت، وزارتِ منصوبہ بندی دے اعلیٰ افسران اتے سارے صوبیاں دے زراعت دے محکمیاں دے سیکرٹریز شرکت کیتی۔ دفترِ خارجہ ولوں جاری بیان دے مطابق اجلاس اچ کݨک دی فی ایکڑ پیداوار ودھاوݨ دے طریقے اتے وسیلیاں تے غور کیتا ڳئے۔ ملک اچ کݨک دی فصل اتے ایندے اسٹاک بارے وی تفصیلی ڳالھ مہاڑ تھئی۔ اجلاس اچ ڈسایا ڳئے جو سال 26-2025 دی ملکی ضرورت پوری کرݨ کیتے کݨک دا ودھ ذخیرہ موجود اے۔ ربیع 2025-26 کیتے کݨک دی بیجائی دے حوالے نال صوبیاں ولوں ݙتے گئے اعداد و شمار وی پیش کیتے ڳئن جیہڑے مقررہ اہداف دے مطابق ہین۔ اے بہتری کݨک دی قومی پالیسی دے ویلے سر نفاذ پاروں ممکن تھئی اے جیندے نال زمینداراں اچ ہک چنگا تاثر تے اعتماد پیدا تھئے۔ نائب وزیراعظم تصدیق شدہ بیج اتے ٻیا اہم زرعی ضروریات دی دستیابی تے اطمینان کیتے اتے کݨک اچ خودکفالت کیتے کٹھیاں کوششاں کوں سراہے۔ انہاں متعلقہ فریقین تے زور ڈتے جو کݨک دی بہتر قسماں دے ذریعے پیداوار ودھاوݨ تے توجہ ڈیوݨ دی لوڑھ اے تاں جو مستقبل اچ غذائی تحفظ دے مسئلیاں نال نبݨݨ اچ کوئی اوکھ نہ تھیوے۔ انہاں وفاقی اتے صوبائی سطح تے مسلسل رابطے اتے ہم آہنگی کوں برقرار رکھݨ دی ہدایت وی کیتی۔