وزیراعظم ولوں بجلی دے ویلنگ چارجز ڳھٹ کرݨ کیتے سفارشات پیش کرݨ دی ہدایت

اسلام آباد۔22 دسمبر(اے پی پی)وزیراعظم محمد شہباز شریف پاور ڈویژن کوں بجلی دے ویلنگ چارجز کوں مناسب سطح تے ڳھن آوݨ کیتے سٹیک ہولڈرز نال مشورے دے بعد سفارشات پیش کرݨ دی ہدایت کیتی اے۔ انہاں آکھیے جو حکومت بجلی دی ترسیل دے نظام کوں بہتر بݨاوݨ کیتے پوری توجہ ڈیندی پئی اے تاں جو صنعتاں کوں سستی بجلی مل سکے۔ اے ڳالھ انہاں نجی شعبے دے ورکنگ گروپ دے اجلاس نال خطاب اچ آکھی۔ وزیراعظم آکھیے جو حکومت دی کوشش اے جو صنعتاں کوں علاقائی سطح دے مطابق نرخاں تے بجلی ملے تاں جو او عالمی منڈی اچ مقابلہ کر سکن۔ اجلاس اچ ٹیرف سٹرکچر تے بجلی دے نظام اچ پیش آوݨ آلے مسلیاں نال نبݨݨ کیتے مختلف سفارشات پیش کیتیاں ڳن۔ ایں اہم اجلاس اچ وفاقی وزراء مصدق ملک، احد چیمہ، محمد اورنگزیب، عطاء اللہ تارڑ، اویس لغاری، علی پرویز ملک اتے ٻئے اعلیٰ افسران شریک ہن۔