صدرِمملکت آصف علی زرداری دی نجف اچ حضرت علی رضی اللہ عنہ دے روضہ مبارک تے حاضری

اسلام آباد۔23 دسمبر (اے پی پی)صدرِ مملکت آصف علی زرداری نجف اچ حضرت علی رضی اللہ عنہ دے روضہ مبارک تے حاضری ݙتی، فاتحہ خوانی کیتی تے امتِ مسلمہ دے امن، اتحاد تے ہم آہنگی کیتے دعا منڳی۔ ایوانِ صدر دے پریس ونگ توں جاری بیان موجب صدرِ مملکت مسجدِ کوفہ اچ نوافل ادا کیتے تے حضرت علی رضی اللہ عنہ توں منسوب مکان دی زیارت کیتی۔ صدرِ مملکت نجف تے کوفہ اچ امتِ مسلمہ دے امن، اتحاد تے ہم آہنگی کیتے دعا منڳی۔ صدرِ مملکت منتظمین تے مبلغین نال وی ملاقاتاں کیتیاں۔ انھاں ملاقاتاں اچ نجف دے گورنر تے ݙوجھے اعلیٰ حکام وی موجود ہن۔