معاشی استحکام کیتے طویل المدتی پالیسی منصوبہ بندی لازمی اے، قیصر احمد شیخ

اسلام آباد۔23 دسمبر(اے پی پی) وفاقی وزیر سرمایہ کاری بورڈ قیصر احمد شیخ آکھیے جو پاکستان دے معاشی استحکام کیتے طویل المدتی پالیسی منصوبہ بندی لازمی اے، ٻاہرلے ملک پاکستانیاں کیتے سہولتاں تے مراعات اچ ودھارا حکومت دی ترجیحات اچ شامل اے۔ انھاں اے ڳالھ لتھوانیا دے اعزازی قونصل جنرل مسعود خان نال ملاقات اچ آکھی اے۔ ملاقات اچ ملکی معاشی منظر نامے تے پاکستان اچ سرمایہ کاری دے وسیع موقع تے تفصیلی ڳالھ مہاڑ تھئی ۔ وفاقی وزیر آکھیا جو لتھوانیا دی برآمدات تے مبنی ترقی ہک کامیاب ماڈل اے تے ایں حوالے نال تجربیں توں فیدہ چاوݨ ویلھے دی لوڑھ اے۔ انھاں آکھیا جو سرمایہ کاری، صنعتی ترقی تے روزگار دے موقع ودھاوݨ کیتے نجی شعبے کوں اپݨا کلیدی کردار ادا کرݨا چاہیدے۔ وزیراعظم محمد شہباز شریف دی قیادت اچ اصلاحات دا تسلسل جاری اے تے سرمایہ کاری بورڈ سرمایہ کاراں دی مکمل سہولت کاری کیتے پرعزم اے۔ جیڑھا وی نواں منصوبہ شروع تھیسی، اوندے نال معیشت کوں وقتی فیدہ تھیسی