اسلام آباد۔23 دسمبر(اے پی پی(وزیرِ دفاع خواجہ محمد آصف نال سری لنکا دے ہائی کمشنر ریئر ایڈمرل (ر) فری سینی ویراتنے ملاقات کیتی ۔وفاقی وزیر پاکستان تے سری لنکا وچال پراݨی دوستی دی تعریف کریندے آکھیے جو اہم مسئلیں تے علاقائی تناظر کوں ݙیکھدے ݙوہیں ملکاں کوں کثیرالجہتی تعلقات دے مثبت انداز توں فیدہ چیندے تعلقات کوں ٻیا مضبوط کرݨ دی لوڑھ اے۔ وزیرِدفاع ایں ڳالھ تے روشنی پاتی جو …
وزیرِدفاع خواجہ محمد آصف نال سری لنکا دے ہائی کمشنر ریئر ایڈمرل (ر) فری سینی ویراتنے دی ملاقات
مزید خبراں
اسلام آباد۔23 دسمبر(اے پی پی(وزیرِ دفاع خواجہ محمد آصف نال سری لنکا دے ہائی کمشنر ریئر ایڈمرل (ر) فری سینی ویراتنے ملاقات کیتی ۔وفاقی وزیر پاکستان تے سری لنکا وچال پراݨی دوستی دی تعریف کریندے آکھیے جو اہم مسئلیں تے علاقائی تناظر کوں ݙیکھدے ݙوہیں ملکاں کوں کثیرالجہتی تعلقات دے مثبت انداز توں فیدہ چیندے تعلقات کوں ٻیا مضبوط کرݨ دی لوڑھ اے۔ وزیرِدفاع ایں ڳالھ تے روشنی پاتی جو پاکستان سری لنکا کوں ہک اہم علاقائی ملک سمجھدے جیڑھا علاقائی تے عالمی امن کیتے اہم کردار ادا کریندا پئے تے پاکستان سری لنکا دی علاقائی سالمیت تے خودمختاری دا احترام تے حمایت کریندے ۔ سری لنکا دے ہائی کمشنر حکومتِ پاکستان ولوں ݙتی ونڄݨ آلی اڄوکی وقتی انسانی امداد تے مدد کیتے دل توں شکریہ ادا کیتا ۔ معزز مہمان دہشت گردی دے خلاف کامیابیاں دا اعتراف کریندے پاک مسلح افواج دی پیشہ وارانہ مہارت دی تعریف کیتی اے۔ فریقین ݙوہیں ملکاں وچال جاری تعاون تے اطمینان تے سانجھے فیدے آلے شعبیں اچ تعاون کوں ٻیا تکڑا بݨاوݨ دے عزم دا اظہار کیتے۔
