اسلام آباد۔ 23 دسمبر(اے پی پی) وزیرِ دفاع خواجہ محمد آصف آکھیے جو افغانستان–پاکستان سرحد تے ٹی ٹی پی خارجیاں دے مستند دہشت گرد کیمپاں دے خلاف پاکستان دی کارروائی دا موازنہ بھارت ولوں بہاولپور اتے مریدکے اچ مساجد اتے مدارس تے کیتے گئے غیر قانونی حملیاں نال کرݨ سراسر غلط اتے غیر مناسب اے۔ ایکس تے اپݨے بیان اچ خواجہ محمد آصف آکھیے جو پاکستان دیاں کارروائیاں مستند انٹیلی …
پاکستانی کارروائی دا بھارت دے غیر قانونی حملیاں نال موازنہ سراسر غلط اتے غیر مناسب اے، خواجہ محمد آصف
مزید خبراں
اسلام آباد۔ 23 دسمبر(اے پی پی) وزیرِ دفاع خواجہ محمد آصف آکھیے جو افغانستان–پاکستان سرحد تے ٹی ٹی پی خارجیاں دے مستند دہشت گرد کیمپاں دے خلاف پاکستان دی کارروائی دا موازنہ بھارت ولوں بہاولپور اتے مریدکے اچ مساجد اتے مدارس تے کیتے گئے غیر قانونی حملیاں نال کرݨ سراسر غلط اتے غیر مناسب اے۔ ایکس تے اپݨے بیان اچ خواجہ محمد آصف آکھیے جو پاکستان دیاں کارروائیاں مستند انٹیلی جنس معلومات دی بنیاد تے کیتیاں ویندن اتے انھاں دا ہدف صرف دہشت گرد عناصر ہوندن، جڈاں جو بھارت ڄام بڄھ تے عبادت گاہواں اتے تعلیمی اداریاں کوں نشانہ بݨا تے بین الاقوامی قوانین دی سنگین خلاف ورزی کیتی اے۔ وزیرِ دفاع پہلگام واقعے دا حوالہ ݙیندے آکھیے جو بھارت اڄ تئیں ایں واقعے تے کوئی ثبوت نئیں ݙے سڳیا۔ انہاں آکھیا جو ریاست ہر محاذ تے مکمل طور تے چوکس اتے مضبوط اے۔
