وزیراعظم دی پی آئی اے دے 75 فیصد شیئرز دی کامیاب نجکاری تے قوم کوں مبارکباد

اسلام آباد۔23 دسمبر (اے پی پی) وزیراعظم محمد شہباز شریف پی آئی اے دے 75 فیصد شیئرز دی نجکاری دے حوالے نال کامیاب بڈنگ تے قوم کوں مبارکباد ݙیندے آکھیے جو ٻولی دا عمل ٻہوں شفاف رہے، معیشت کوں ٻیا مستحکم کرݨ اچ پی آئی اے اتے ٻئے ریاستی ملکیتی اداریاں دی نجکاری اہم کردار ادا کریسی۔ وزیراعظم آکھیے جو اقتدار سنٻھالݨ تے قوم نال وعدہ کیتا ہائی جو ریاستی ملکیتی اداریاں دی نجکاری کیتے اقدامات چاتے ویسن، پی آئی اے دی نجکاری دا اے عمل ایں حوالے نال ٻہوں اہم سنگِ میل اے۔ انہاں آکھیا جو ٻولی دا عمل ٻہوں شفاف رہے، ملکی معیشت تے سرمایہ کاراں دا اعتماد بحال تھئے، پی آئی اے دی نجکاری ایںدا کھلا ثبوت اے۔ وزیراعظم اللہ تعالیٰ دا شکر ادا کریندے آکھیا جو سارے ریاستی اداریاں دے تعاون نال ملکی معیشت مستحکم تھیندی پئی اے، نائب وزیراعظم اتے وزیر خارجہ اسحاق ڈار، چیف آف آرمی سٹاف اتے چیف آف ڈیفنس فورسز فیلڈ مارشل سید عاصم منیر، وزیر دفاع خواجہ آصف، مشیر برائے نجکاری محمد علی، نجکاری کمیشن اتے ٻئے متعلقہ بندیاں دیاں کوششاں لائقِ تحسین ہین۔ انہاں آکھیا جو حکومت نجی شعبے دے اشتراک نال ملک دی ترقی، خوشحالی تے عوامی فلاح و بہبود کیتے پر عزم اے۔