اسلام آباد۔26 دسمبر(اے پی پی)اہلاً و سہلاً، مرحبا، متحدہ عرب امارات دے صدر شیخ محمد بن زاید النہیان دے پاکستان دے پہلے سرکاری دورے تے حکومتِ پاکستان ولوں خاص استقبالی نغمہ جاری کر ݙتا ڳئے۔ نغمے اچ متحدہ عرب امارات دے صدر دی پاکستان آمد، انہاں دے شاندار استقبال اتے وزیراعظم محمد شہباز شریف نال گرمجوش مصافحہ اتے ڳل لگݨ دے منظر شامل ہن۔ خاص نغمے اچ ٻالاں ولوں شیخ …
اہلاً و سہلاً، مرحبا: یو اے ای دے صدر دی پاکستان آمد تے خاص استقبالی نغمہ جاری
اسلام آباد۔26 دسمبر(اے پی پی)اہلاً و سہلاً، مرحبا، متحدہ عرب امارات دے صدر شیخ محمد بن زاید النہیان دے پاکستان دے پہلے سرکاری دورے تے حکومتِ پاکستان ولوں خاص استقبالی نغمہ جاری کر ݙتا ڳئے۔ نغمے اچ متحدہ عرب امارات دے صدر دی پاکستان آمد، انہاں دے شاندار استقبال اتے وزیراعظم محمد شہباز شریف نال گرمجوش مصافحہ اتے ڳل لگݨ دے منظر شامل ہن۔ خاص نغمے اچ ٻالاں ولوں شیخ محمد بن زاید النہیان کوں پھل پیش کرݨ دے سوہݨے منظر وی ݙکھائے گئن۔ اے نغمہ متحدہ عرب امارات اتے پاکستان دی پراݨی سنڳت اتے عوامی سطح تے پیار اتے احترام دی عکاسی کریندے۔ استقبالی نغمے دے ٻول ’’اہلاً و سہلاً، مرحبا‘‘ تے مشتمل ہن، جیڑھے مہمانِ خصوصی کیتے پاکستان دے عوام دے جذبات اتے خیرسگالی دے اظہار دی علامت ہین۔ نغمے نال پاکستان اتے متحدہ عرب امارات دے برادرانہ تعلقات، سانجھے احترام تے تعاون دے تکڑے رشتے کوں اڳنہا کیتا ڳئے۔
