اسلام آباد۔ 31 دسمبر (اے پی پی) وزیر اعظم دے معاون خصوصی ہارون اختر خان آکھیے اے جو قومی ویکسین پالیسی ویکسیناں دی مقامی تیاری کوں یقینی بݨیسی، ویکسیناں دی مقامی تیاری صحت تے صنعتی شعبے اچ سنگِ میل ثابت تھیسی۔ وزارتِ صنعت تے پیداوار دے اعلامیے دے مطابق ہارون اختر خان دی زیرِ صدارت ویکسیناں دی مقامی تیاری متعلق اعلیٰ سطح دا اجلاس تھیا۔ وفاقی وزیرِ صحت مصطفیٰ کمال …
قومی ویکسین پالیسی ویکسیناں دی مقامی تیاری کوں یقینی بݨیسی، ہارون اختر خان
اسلام آباد۔ 31 دسمبر (اے پی پی) وزیر اعظم دے معاون خصوصی ہارون اختر خان آکھیے اے جو قومی ویکسین پالیسی ویکسیناں دی مقامی تیاری کوں یقینی بݨیسی، ویکسیناں دی مقامی تیاری صحت تے صنعتی شعبے اچ سنگِ میل ثابت تھیسی۔ وزارتِ صنعت تے پیداوار دے اعلامیے دے مطابق ہارون اختر خان دی زیرِ صدارت ویکسیناں دی مقامی تیاری متعلق اعلیٰ سطح دا اجلاس تھیا۔ وفاقی وزیرِ صحت مصطفیٰ کمال ویکسین پالیسی اجلاس دی سانجھی صدارت کیتی۔ اجلاس اچ سیکرٹری وزارتِ صحت تے چیئرمین ڈرگ ریگولیٹری اتھارٹی پاکستان وی شرکت کیتی۔ معاون خصوصی ہارون اختر خان آکھیا جو قومی ویکسین پالیسی تے وزیرِاعظم کیتے بریفنگ کوں حتمی شکل ݙے ݙتی ڳئی اے، قومی ویکسین پالیسی منظوری کیتے مکمل طور تے تیار اے۔ ہارون اختر خان آکھیا جو وزیرِ اعظم محمد شہباز شریف دے وژن دے مطابق پاکستان اچ ویکسیناں دی مقامی تیاری دا آغاز تھیسی، قومی ویکسین پالیسی ویکسیناں دی مقامی تیاری کوں یقینی بݨیسی۔ انہاں آکھیا جو ویکسیناں دی مقامی تیاری صحت تے صنعتی شعبے وچ سنگِ میل ثابت تھیسی۔ ہارون اختر خان ٻیا آکھیا جو قومی ویکسین پالیسی عوام کیتے طویل المدتی فائدیاں دی حامل تھیسی۔ وفاقی وزیر قومی صحت مصطفیٰ کمال آکھیا جو قومی ویکسین پالیسی وقت دی اہم لوڑھ اے جیندے نال بیرونی انحصار مک ویسی۔ انہاں آکھیا جو عالمی معیار تے بین الاقوامی بہترین روایات دے مطابق ویکسیناں دی تیاری یقینی بݨائی ویسی۔ مصطفیٰ کمال آکھیا جو قومی ویکسین پالیسی جلدی وزیرِ اعظم محمد شہباز شریف کوں پیش کیتی ویسی۔
