راولپنڈی۔ 31 دسمبر (اے پی پی) چیف آف آرمی سٹاف و چیف آف ڈیفنس فورسز فیلڈ مارشل سید عاصم منیر آکھیے جو بھارتی سپانسرڈ آلہ کار (پراکسیز) بلوچستان وچ تشدد کھنڈاوݨ تے ترقی وچ رکاوٹ پاوݨ دا سلسلہ جاری رکھی ہوئے ہن، انھاں دے ناپاک عزائم کوں سکیورٹی فورسز دی سخت کارروائی دے ذریعے ناکام بݨایا ویسی تاں جو صوبے کوں دہشت گردی توں پاک کیتا ونڄ سڳے۔ آئی ایس …
بھارتی سپانسرڈ آلہ کار بلوچستان وچ تشدد کھنڈاوݨ تے ترقی وچ رکاوٹ پاوݨ دا سلسلہ جاری رکھی ہوئے ہن، فیلڈ مارشل سید عاصم منیر
راولپنڈی۔ 31 دسمبر (اے پی پی) چیف آف آرمی سٹاف و چیف آف ڈیفنس فورسز فیلڈ مارشل سید عاصم منیر آکھیے جو بھارتی سپانسرڈ آلہ کار (پراکسیز) بلوچستان وچ تشدد کھنڈاوݨ تے ترقی وچ رکاوٹ پاوݨ دا سلسلہ جاری رکھی ہوئے ہن، انھاں دے ناپاک عزائم کوں سکیورٹی فورسز دی سخت کارروائی دے ذریعے ناکام بݨایا ویسی تاں جو صوبے کوں دہشت گردی توں پاک کیتا ونڄ سڳے۔ آئی ایس پی آر موجب فیلڈ مارشل سید عاصم منیر جی ایچ کیو وچ بلوچستان دے حوالے نال منعقدہ 18 ویں نیشنل ورکشاپ دے شرکاء نال خطاب کریندے پئے ہن۔اپݨے خطاب وچ فیلڈ مارشل بلوچستان دے عوام دی ہمت تے حب الوطنی دی تعریف کیتی تے پاکستان دی خوشحالی کیتے بلوچستان دی اہمیت تے روشنی پاتی۔ انھاں آکھیا جو حکومت دے عوامی مفاد تے مبنی اقدامات دا مقصد صوبے دے حالات کوں بہتر بݨاوݨ اے۔ انھاں ایں عزم دا اعادہ کیتا جو پاکستان دی علاقائی سالمیت دی کہیں وی خلاف ورزی دا بھرپور تے فیصلہ کن جواب ݙتا ویسی۔ پاکستان دی مسلح افواج اپݨے شہریاں دی جان و مال دے تحفظ تے فلاح و بہبود کیتے پرعزم اے۔ ورکشاپ دے چھیکڑ وچ فیلڈ مارشل شرکاء دے سوالاں دے جواب وی ݙتے۔
