اسلام آباد۔ 27 جنوری(اے پی پی) وزیرِ دفاع خواجہ محمد آصف واضح کیتے جو وادی تیراہ اچ کوئی فوجی آپریشن نئیں تھیندا پیا، اتھاں برف باری پاروں لوکاں دی نقل مکانی ہک پراݨا معمول اے جیہڑا کئی ݙھاکیاں توں تھیندا پئے، وادی تیراہ وچ ایں ویلے وی 500 توں ودھ ٹی ٹی پی دے لوک اپݨے خانداناں دے نال رہندے پئن۔ انھاں ݙسایا جو صوبائی حکومت ایں نقل مکانی کیتے …
وادی تیراہ اچ کوئی فوجی آپریشن نئیں تھیندا پیا، سیالے اچ لوکاں دی نقل مکانی معمول دا حصہ اے، وزیرِ دفاع خواجہ آصف
اسلام آباد۔ 27 جنوری(اے پی پی) وزیرِ دفاع خواجہ محمد آصف واضح کیتے جو وادی تیراہ اچ کوئی فوجی آپریشن نئیں تھیندا پیا، اتھاں برف باری پاروں لوکاں دی نقل مکانی ہک پراݨا معمول اے جیہڑا کئی ݙھاکیاں توں تھیندا پئے، وادی تیراہ وچ ایں ویلے وی 500 توں ودھ ٹی ٹی پی دے لوک اپݨے خانداناں دے نال رہندے پئن۔ انھاں ݙسایا جو صوبائی حکومت ایں نقل مکانی کیتے 5 ارب روپے مختص کیتن، ایں سارے عمل اچ پاک فوج کہیں پاسوں وی شامل کائنی، وادی تیراہ دے 12 ہزار ایکڑ تے بھنگ دی کاشت تھیندی پئی اے جیندے پیسے ٹی ٹی پی کوں ویندن۔ انہاں آکھیا جو پی ٹی آئی حکومت اپݨیاں ناکامیاں دا ملبہ پاک فوج تے سٹݨ چاہندی اے، کے پی حکومت سیاسی پوائنٹ سکورنگ توں پرے رہوے۔ خواجہ آصف آکھیے جو پاک فوج ہݨ وݙے آپریشنز دی بجائے مخصوص معلومات دی بنیاد تے (IBOs) کارروائیاں شروع کیتن جیہڑیاں جاری رہسن۔ انھاں الزام لایا جو کے پی حکومت دے وݙے لوک ٹی ٹی پی کوں بھتہ ݙیندن۔
