واشنگٹن۔ 14 جون(اے پی پی) امریکی صدر براک اوباما آکھیا اے جو اورلینڈو دے نائٹ کلب وچ فائرنگ کرنڑ آلا انٹرنیٹ تے دستیاب انتہا پسندانہ معلومات نال متاثر تھیا ہائی ،قاتل کوں باہرلے ملک توں ہدایات جاری کائنی ہن پر اوہ جزوی طور تے داعش توں متاثر ضرورہائی ۔ امریکی میڈیا دے مطابق صدراوباما اوول آفس وچ وفاقی تحقیقاتی ادارے ایف بی آئی دے ڈائریکٹر نال ملاقات دے بعد صحافیاں نال گالھ مہاڑ کریندے ہوئیں آکھیا جوا یہ حملہ گزریل سال کیلی فورنیا دے شہر سان برنارڈینو وچ پیش آونڑ آلے فائرنگ دے واقعے نال رلدا ملدا ہے البتہ حالی تائیں ایندی تفصیلات نی جانڑدے ۔ہم جنس پرستاں دے نائٹ کلب تے حملے دی تحقیقات کرنڑ آلے امریکی حکام دا آکھنڑ ہے جو قاتل کوں باہرلے ملک توں کوئی ہدایات جاری نہیں کیتیاں گئیاں پر اوہ جزوی طور تے داعش گروپ توں متاثر ضرور ہائی۔صدر اوباما آکھیا جو ایں مرحلے تے ایجھا کوئی ثبوت نی ملیا جیندے نال ا یہ پتا لگیا ہے جو ایکوں باہر توں کوئی ہدایات جاری نی تھئیاں۔انھاں ڈسایا جوقاتل چھیکڑی لمحات وچ بظاہر داعش نال تعلق دا اعلان کیتا ہائی۔ انھاں آکھیا جو ایں واقعے دی دہشت گردی دی کارروائی دے طور تے تحقیقات کیتیاں ویندیاں پن اتے تفتیش کار انٹرنیٹ تے ایں مواد دا وی جائزہ گھندے پن جیرھا شوٹر ممکنہ طور تے پڑھیا ۔ تفتیش کار حالی تائیں حملہ آور دے محرکات دا جائزہ گھدے پن اتے اوہ سارے امکانات تے غور کریندے پن۔امریکی صدر آکھیا جو داعش اتے القاعدہ جئی تنظیماں ہم جنس پرست مرداں تے تریمتاںکوں غلط نظریے اتے ہم جنس پرستی بارے وچ اپنڑے مذہبی معتقدات دی بنا تے وی نشانہ بنڑیندی راہندی ہے ۔ جیندی واضح مثال ہے جوا یہ حملہ ہم جنس پرستاں دے ہک نائٹ کلب تے کیتا گئے۔
