شوال 1447 ہجری دا چندر ݙیکھݨ کیتے مرکزی رویتِ ہلال کمیٹی دا اجلاس 19 مارچ کوں اسلام آباد اچ تھیسی

اسلام آباد۔ 17 مارچ (اے پی پی) شوال 1447 ہجری دا چندر ݙیکھݨ کیتے مرکزی رویتِ ہلال کمیٹی دا اجلاس خمیس 19 مارچ کوں اسلام آباد اچ سݙیا ڳئے۔ مرکزی رویتِ ہلال کمیٹی دی طرفوں جاری اعلامیہ موجب اجلاس دی صدارت کمیٹی دے چیئرمین مولانا محمد عبدالخبیر آزاد کریسن۔ ملک اچ زونل تے ضلعی ہلال کمیٹیاں دے اجلاس آپݨے آپݨے متعلقہ جہیں تے تھیسن۔ چندر دی رویت دے حوالے نال اعلان مرکزی رویتِ ہلال کمیٹی ملک توں ملݨ آلیاں شہادتاں کوں سامݨے رکھ تے کریسی، جیندے نال عید دا فیصلہ تھیسی