الیکشن کمیشن اچ رجسٹرڈ جماعتاں دی تعداد 171 تھی ڳئی، ہک الائنس وی فہرست اچ شامل

اسلام آباد۔ 17 مارچ (اے پی پی) الیکشن کمیشن اچ رجسٹرڈ جماعتاں دی تعداد 171 تھی ڳئی اے جݙاں جو ہک الائنس وی فہرست اچ شامل اے، رجسٹرڈ جماعتاں اچ 12 مسلم لیگاں، چار پیپلزپارٹیاں شامل ہن، انھاں جماعتاں دی ہک ٻہوں وݙی تعداد کݙاہیں کہیں اسمبلی دی رکنیت حاصل کائنی کیتی۔ الیکشن کمیشن توں ملݨ آلی دستاویزات موجب الیکشن کمیشن اچ رجسٹرڈ مسلم لیگاں اچ چوہدری شجاعت حسین دی سربراہی اچ پاکستان مسلم لیگ، پاکستان مسلم لیگ فنکشنل، پاکستان مسلم لیگ جونیجو، پاکستان مسلم لیگ نواز، پاکستان مسلم لیگ (شیرِ بنگلہ) اے کے فضل حق، پاکستان مسلم لیگ (کونسل)، پاکستان مسلم لیگ (آرگنائزیشن)، پاکستان مسلم لیگ (ضیا)، پاکستان مسلم لیگ (کیواوکے)، پاکستان مرکزی مسلم لیگ، عوامی مسلم لیگ، آل پاکستان مسلم لیگ (جناح) شامل ہن۔ تاں جو انھاں اچوں 9 مسلم لیگاں دی قومی اسمبلی اچ نمائندگی ای کائنی۔ایویں بلاول بھٹو دی سربراہی اچ پاکستان پیپلز پارٹی، آصف علی زرداری دی سربراہی اچ پاکستان پیپلز پارٹی پارلیمنٹیرینز رجسٹرڈ اے۔ انھاں دے علاوہ پاکستان پیپلز پارٹی (شہید بھٹو)، پاکستان پیپلز پارٹی (ورکرز) وی رجسٹرڈ ہن۔ پاکستان تحریکِ انصاف تے پاکستان تحریکِ انصاف نظریاتی دے ناں نال ݙو جماعتاں، جمعیت علمائے اسلام دے ناں نال ترائے جماعتاں، جمعیت علمائے پاکستان دے ناں نال ݙو جماعتاں رجسٹرڈ ہن۔ جمعیت علمائے اسلام پاکستان مولانا فضل الرحمان دی سربراہی اچ، جمعیت علمائے اسلام سمیع الحق، جمعیت علمائے اسلام نظریاتی دے ناں نال رجسٹرڈ ہن۔ تاں جو ایں ویلھے قومی اسمبلی اچ انھاں 171 رجسٹرڈ جماعتاں اچوں درجن بھر جماعتاں دی نمائندگی موجود اے، الیکشن کمیشن اچ رجسٹرڈ ہک وݙی تعداد ایجھی جماعتاں دی اے جیڑھیاں کݙاہیں کہیں اسمبلی دی رکنیت حاصل کائنی کرسڳیاں، جیندے نال سیاسی منظرنامہ واضح تھیندے