اسلام آباد۔ 17 مارچ (اے پی پی) پاکستان دی مسلح افواج آپریشن غضب للحق دے تحت 16 مارچ 2026ء دی رات کامیابی دے نال درست فضائی حملے کریندے کابل تے ننگرہاراچ افغان طالبان حکومت دی دہشت گردی دی سرپرستی کرݨ آلی فوجی تنصیبات کوں نشانہ بݨائے۔ وفاقی وزیرِاطلاعات و نشریات عطاء اللہ تارڑ سماجی رابطے دے پلیٹ فارم ”ایکس“ تے آپݨی ہک پوسٹ اچ ݙسایا جو کابل اچ ݙو جہیں …
پاک فوج کابل تے ننگر ہار اچ دہشت گردی دی سرپرستی کرݨ آلی فوجی تنصیبات کوں نشانہ بݨائے، تکنیکی معاونت دے بنیادی ڈھانچے تے اسلحہ ذخیرہ کرݨ دی سہولتاں کوں تباہ کر ݙتا ڳئے، وفاقی وزیرِ اطلاعات عطاء اللہ تارڑ
مزید خبراں
اسلام آباد۔ 17 مارچ (اے پی پی) پاکستان دی مسلح افواج آپریشن غضب للحق دے تحت 16 مارچ 2026ء دی رات کامیابی دے نال درست فضائی حملے کریندے کابل تے ننگرہاراچ افغان طالبان حکومت دی دہشت گردی دی سرپرستی کرݨ آلی فوجی تنصیبات کوں نشانہ بݨائے۔ وفاقی وزیرِاطلاعات و نشریات عطاء اللہ تارڑ سماجی رابطے دے پلیٹ فارم ”ایکس“ تے آپݨی ہک پوسٹ اچ ݙسایا جو کابل اچ ݙو جہیں تے موجود تکنیکی معاونت دے بنیادی ڈھانچے تے اسلحہ ذخیرہ کرݨ دی سہولتاں کوں مؤثر اندازاچ تباہ کر ݙتا ڳئے۔ حملیں دے بعد نظر آوݨ آلے ثانوی دھماکے واضح طور تے وݙے اسلحہ ڈپو دی موجودگی دی نشاندہی کریندن۔ننگرہاراچ وی پاکستان دی مسلح افواج افغان طالبان حکومت دی دہشت گردی کوں سپانسر کرݨ آلی چار فوجی تنصیبات کوں نشانہ بݨایا جیندے نتیجے اچ متعلقہ لاجسٹک سہولتاں، اسلحہ تے تکنیکی بنیادی ڈھانچہ تباہ تھی ڳئے۔ صرف انھاں تنصیبات کوں ہدف بݨایا ڳیا جیڑھیاں افغان طالبان حکومت آپݨی ٻہوں سارے دہشت گرد پراکسیاں بشمول فتنہ الخوارج تے فتنہ الہندوستان دی حمایت کیتے استعمال کریندی پئی اے جیویں جو جاری کیتی ڳئی فوٹیج اچ واضح طور تے ݙٹھا ونڄ سڳدے۔ وفاقی وزیرِ اطلاعات آکھیا جو افغان طالبان حکومت دے پروپیگنڈہ کرݨ آلے لوکاں دے کوڑے دعوے خطے اچ دہشت گردی دی حمایت تے سرپرستی کرݨ آلے گھناؤنے اقدامات توں افغان عوام تے دنیا کوں بیوقوف کائنی بݨا سڳدے۔ ماسٹر ٹیرر پراکسی دی طرفوں مسلط کیتی ڳئی دہشت گردی توں پاکستانی شہریاں کوں تحفظ ݙیوݨ کیتے آپریشن غضب للحق دے تحت کارروائیاں اوں ویلھے تئیں جاری رہسن جݙاں تئیں مطلوبہ مقصد مکمل طور تے حاصل نئیں تھی ویندے
