وزیراعظم دا قازقستان دے صدر کوں ٹیلی فون، تاریخی آئینی ریفرنڈم دی کامیابی تے مبارخ

اسلام آباد۔ 17 مارچ (اے پی پی) وزیراعظم محمد شہباز شریف جمہوریہ قازقستان دے صدر قاسم جومارت توکایووف کوں قازقستان اچ تاریخی آئینی ریفرنڈم دی کامیابی تے مبارخ ݙتی اے، ݙوہیں رہنماواں علاقائی تبدیلیاں بالخصوص افغانستان دی صورتحال تے وی ڳالھ مہاڑ کیتی تے مشترکہ خوشحالی کیتے بات چیت، تعاون تے رابطے ودھاوݨ دی اہمیت تے زور ݙتے۔وزیراعظم دفتر دے میڈیا ونگ توں جاری بیان موجب وزیراعظم محمد شہباز شریف قازقستان دے صدر قاسم جومارت توکایووف نال ٹیلی فون تے ڳالھ مہار کیتی ۔ وزیراعظم 15 مارچ 2026 کوں قازقستان اچ تھیوݨ آلے تاریخی آئینی ریفرنڈم دی کامیابی تے صدر جومارت توکایووف کوں مبارخ ݙتی۔وزیراعظم آکھیا جو نویں آئین کیتے زبردست ٹرن آؤٹ تے حمایت قازقستان دے عوام دے صدر جومارت توکایووف دی دور اندیش قیادت تے اصلاحاتی ایجنڈے تے اعتماد دی عکاسی کریندی اے۔ انھاں یقین ظاہر کیتا جو اصلاحات قازقستان اچ نظم و نسق، ادارہ جاتی استحکام تے قومی ترقی کوں مزید مستحکم کریسن۔ گزریل مہینے صدرجومارت توکایووف دے دورہ پاکستان دا ذکر کریندے وزیراعظم قازقستان دے صدر کوں یقین ݙوایا جو پاکستان ایں دورے دے دوران کیتے ڳئے فیصلیں تے ترجیحی بنیاداں تے عملدرآمد یقینی بݨیندا پئے۔ ایں حوالے نال وزیراعظم آکھیا جو ݙوہیں فریق وقتی مجوزہ ایم او یوز تے معاہدیں تے نتیجہ خیز عملدرآمد یقینی بݨاوݨ کیتے ملاقات کریسن۔ صدر جومارت توکایووف وزیراعظم کوں ایں سال دے چھیکڑ اچ قازقستان دا سرکاری دورہ کرݨ دی دعوت دہرائی جینکوں وزیراعظم قبول کرڳھدا۔ ݙوہیں رہنماواں علاقائی تبدیلیاں بالخصوص افغانستان دی صورتحال تے وی ڳالھ مہاڑ کیتی تے مشترکہ خوشحالی کیتے ڳالھ مہاڑ ، تعاون تے رابطے ودھاوݨ دی اہمیت تے زور ݙتا۔ وزیراعظم عیدالفطر دے پرمسرت موقع تے صدر توکایووف تے قازقستان دے بھرا عوام کوں دلوں پیشگی مبارخ ݙتی تے امن، ترقی تے خوشحالی کیتے نیک خواہشات دا اظہار کیتا، جیندے نال ݙوہیں ملکاں دے تعلقات مزید بہتر تھیسن۔