اسلام آباد۔ 17 مارچ (اے پی پی) خلیج دی صورتحال پاروں تیل دے بحران تے حکومت دی طرفوں اعلان کردہ کفایت شعاری اقدامات دے تناظر اچ فیصلہ کیتا ڳئے جو 23 مارچ 2026 کوں یومِ پاکستان دی پریڈ تے ایندے نال منسلک ساری تقریبات منعقد کائناں کیتیاں ویسن تاں جو ایں ݙینھ کوں وقار تے احترام دے نال سادہ پرچم کشائی دی تقریبات دے ذریعے منایا ویسی۔ وزیراعظم دفتر دے …
مارچ 23کوں یومِ پاکستان دی پریڈ تے ایندے نال منسلک تقریبات منعقد کائناں تھیسن
مزید خبراں
اسلام آباد۔ 17 مارچ (اے پی پی) خلیج دی صورتحال پاروں تیل دے بحران تے حکومت دی طرفوں اعلان کردہ کفایت شعاری اقدامات دے تناظر اچ فیصلہ کیتا ڳئے جو 23 مارچ 2026 کوں یومِ پاکستان دی پریڈ تے ایندے نال منسلک ساری تقریبات منعقد کائناں کیتیاں ویسن تاں جو ایں ݙینھ کوں وقار تے احترام دے نال سادہ پرچم کشائی دی تقریبات دے ذریعے منایا ویسی۔ وزیراعظم دفتر دے میڈیا ونگ توں جاری بیان موجب اے اقدام ایں ڳالھ کوں یقینی بݨاوݨ کیتے کیتا ویندا پئے جو قوم دی یومِ پاکستان دے نظریات نال وابستگی، استقامت تے غیر متزلزل عزم دے نال نال وسیع تر کفایت شعاری پالیسی کوں وی برقرار رکھیا ونڄے۔ بیان موجب ساری وزارتاں، ڈویژنز تے محکمیں کوں ہدایت کیتی ڳئی اے جو او سادگی تے پر وقار طریقے نال یومِ پاکستان مناون تاں جو محدود تقریبات دے باوجود ایں ݙینھ دی اہمیت تے ایندا حقیقی پیغام برقرار رکھیا ونڄ سڳے۔
