اسلام آباد۔ 18 مارچ (اے پی پی) وزیراعظم محمد شہباز شریف عمان نال یکجہتی دا اظہار کریندے تعمیری ڳالھ مہاڑ جاری رکھݨ تے زور ݙتے۔ وزیراعظم دفتر دے میڈیا ونگ توں جاری بیان موجب وزیراعظم محمد شہباز شریف کوں عمان دے سلطان ہیثم بن طارق ٻدھ کوں ٹیلیفون کیتا، ݙوہیں رہنماواں گرمجوش تے خوشگوار ڳالھ مہاڑ دے دوران عید دے پرمسرت موقع تے مبارخ دا تبادلہ کیتا تے ݙوہیں ملکاں …
وزیراعظم کوں عمان دے سلطان دا ٹیلیفون، ݙوہیں رہنماواں دا تعلقات کوں تکڑا بݨاوݨ دا عزم
مزید خبراں
اسلام آباد۔ 18 مارچ (اے پی پی) وزیراعظم محمد شہباز شریف عمان نال یکجہتی دا اظہار کریندے تعمیری ڳالھ مہاڑ جاری رکھݨ تے زور ݙتے۔ وزیراعظم دفتر دے میڈیا ونگ توں جاری بیان موجب وزیراعظم محمد شہباز شریف کوں عمان دے سلطان ہیثم بن طارق ٻدھ کوں ٹیلیفون کیتا، ݙوہیں رہنماواں گرمجوش تے خوشگوار ڳالھ مہاڑ دے دوران عید دے پرمسرت موقع تے مبارخ دا تبادلہ کیتا تے ݙوہیں ملکاں دے عوام تے امتِ مسلمہ کیتے امن، خوشحالی تے فلاح و بہبود کیتے نیک خواہشاں دا اظہار کیتا تے موجودہ علاقائی صورتحال تے تبادلہ خیال کیتا۔ عمان دے مختلف علاقیں اچ حملیں دے دوران قیمتی جاناں دے ضیاع تے عمان دے بھرا عوام دے نال پاکستان دی یکجہتی دا اظہار کریندے وزیراعظم محمد شہباز شریف امن و استحکام تے تعمیری ڳالھ مہاڑ کوں برقرار رکھݨ دی اہمیت تے زور ݙتا۔ رہنماواں پاکستان تے عمان وچال پراݨے برادرانہ تعلقات کوں مزید مضبوط بݨاوݨ دے عزم دا اعادہ کیتا۔ ایں سلسلے اچ وزیراعظم عمان دے سلطان کوں پاکستان دا سرکاری دورہ کرݨ دی دعوت دا وی اعادہ کیتا۔ وزیراعظم محمد شہباز شریف سلطان ہیثم بن طارق دی طرفوں سانجھے طور تے مناسب تاریخ تے عمان دا دورہ کرݨ کیتے ݙتی ڳئی دعوت دا وی مثبت جواب ݙتا۔
