صدرِ مملکت آصف علی زرداری نال وفاقی وزیرِ داخلہ، وزیرِ خزانہ تے وزیرِ پٹرولیم دی ملاقات

لاڑکانہ (اے پی پی) صدرِ مملکت آصف علی زرداری نال وفاقی وزیرِ داخلہ محسن نقوی، وفاقی وزیرِ خزانہ محمد اورنگزیب اتے وفاقی وزیرِ پٹرولیم علی پرویز ملک بھٹو ہاؤس نوڈیرو اچ ملاقات کیتی۔ ایں موقع تے بلاول بھٹو زرداری، وزیرِ اعلیٰ سندھ مراد علی شاہ تے فریال تالپور وی موجود ہن۔ ملاقات اچ ملک وچ امن و امان، معاشی صورتحال تے پٹرولیم مصنوعات دی قیمتاں دے اثرات تے ڳالھ کیتی ڳئی۔ وفاقی وزیرِ داخلہ صدر کوں دہشت گردی دے خلاف جاری کارروائیاں تے سرحدی سلامتی بارے ݙسایا۔ صدرِ مملکت ہدایت کیتی جو معاشی پالیسیاں اچ عوامی ریلیف کوں ترجیح ݙتی ونڄے تانجو عام آدمی کوں سہولت مل سڳے۔