نائب وزیر اعظم و وزیر خارجہ اسحاق ڈار دی یو اے ای دے وزیر خارجہ نال ڳالھ مہاڑ

اسلام آباد۔ 24 مارچ(اے پی پی) نائب وزیراعظم اتے وزیر خارجہ سینیٹر محمد اسحاق ڈار متحدہ عرب امارات دے نائب وزیراعظم اتے وزیر خارجہ شیخ عبداللہ بن زاید النہیان نال ٹیلیفون تے ڳالھ مہاڑ کیتی اے۔ دفتر خارجہ دے مطابق ݙوہائیں رہنماواں خطے دی بدلدی صورتحال تے الائے۔ اسحاق ڈار امن اتے استحکام دی اہمیت تے زور ݙیندے ہوئے آکھیے جو کشیدگی کوں گھٹ کرݨ ٻہوں ضروری اے اتے مسائل دا حل صرف مذاکرات اتے سفارت کاری نال ہی ممکن اے تاں جو خطے دا امن یقینی ٻݨیڄے۔ انہاں قیمتی جاناں دے ضیاع، جنہاں اچ ترائے پاکستانی وی شامل ہن، تے افسوس کیتے اتے امارات نال یکجہتی دا اعادہ کیتا۔ ڈوہائیں رہنماواں ہک ݙوڄھے کوں عید دی مبارکباد وی ݙتی